En 2008 y cola mirada puesta na solidaridá y na sensibilización hacia los más necesitaos y los menos conocíos, el Conceyu de L.lena xunto con ProDocumentales, La Coordinadora d'ONGDs del Principáu d'Astureis y l'Axencia de Cooperación al Desarrollu crearon l'ADocS, un eventu qu'esperamos seya de referencia sobre la complicidá ente la cultura y la cooperación pa xenerar un mundu meyor y más xustu pa tolos que nél vivimos.

Nesta segunda edición y col procuru de siguir medrando gracies a la participación de Instituciones dedicaes a estos ámbitos, como ye'l casu de l'Axencia Asturiana de Cooperación al Desarrollu, la CONGDPA, ProDocumentales o la Fundación Juan Muñiz Zapico, espardemos l'espectru del nuestru trabayu abriendo la participación de colectivos, actividaes,...

Otra vegada queremos enfocar les actividaes en tolos sentíos y prestaríamos poder cuntar cola so presencia.

Convencios que hai que formalos pa la participación, la reflesión crítica, la implicación social y la xenerosidá, con espíritu de xusticia ya igualdá; buscando crear ente toos y toes y pa toos y toes un mundu onde la diferencia seya un valor positivu y deseable, y onde seamos capaces d'aprender a ser meyores ciudadanos y ciudadanes. Éso ye l'ADocS 2009.

Gracies a la xente que quier compartir sus esperiencias dientro d'esti eventu.