GUÍA DEL "CAMINO DEL SALVADOR"
Consorciou del Monte Central d'Asturies, 2009
P'ampliar información, puedes consiguir nos Albergues y nes Oficines de Turismu esta completa guía que dende'l Consorciu del Monte Central d'Asturies ellaboraron con tou detalle: planos, altimetrías, una refecha descripción de ca etapa, coordenaes de poblaciones, albergues....
En L.lena, tán a la to disposición en:
- Oficina de Turismu (La Pola, L.lena)
- Aula Didáctica del Prerrománcio (La Cobertoria)
- Hotel d'Asociaciones Juan Muñiz Zapico "Xuanín" (La Pola, L.lena)
- Albergue de Peregrinos de Payares (Payares)
ETAPES
Lleón - La Robla (Lleón)
Percorríu: 27.8 km.
Señalización: tol camín.
"CUATRO VALLES"
Dificultá: media
Itinerariu:
Lleón
Carbajal de la Legua
Cabanillas
La Seca
Cscantes
La Robla *Albergue
La Robla - Poladura (Lleón)
Percorríu: 22.7 km.
Señalización: tol camín.
"Camín de Santiago, Itinerariu Cultural Européu"
Dificultá: media
Itinerariu:
La Robla
Puente de Alba
Peredilla
Nocedo de Gordón
Pola de Gordón
Beberino
Buiza *Albergue Camín del Salvaor
Poladura de la Tercia
El CAMÍN DEL SALVAOR PER L.LENA (ASTURIES)
Poladura (Lleón) - Payares (Conceyu de L.lena, Asturies)
Percorríu: 18 km.
Señalización: tol camín.
"Camín de Santiago, Itinerariu Cultural Européu"
Dificultá: media
Itinerariu:
Poladura de la Tercia
Arbás del Puertu
Payares *Albergue de Payares
DESCRIPACIÓN DE LA ETAPA:
La bayura paisaxística, biolóxica, climática y xeolóxica de la Cordalera Cantábrica manifiéstase en tol so rel.lumu nesta etapa, caracterizá pola variedá de paisaxes que vamos travesar y pola transición de tierres lleonés a les del Conceyu de L.lena, yá n'Asturies.
Dende'l francu abargane glaciar de la Tercia, l'angostu y predreru Valle del Bernesga o'l fondu Valle de Payares, too camuda a cada pasu. Una etapa de contrastes provocaos pol cambéu d'aguada y esposición a los vientos atlánticos que, reteníos polos altos cumales, dexen gran parte del mugor na cara espuesta al mar, amiyando fríos y secos pela cara sur, no que se conoz como "efectu Foehn", el causante de la variación climática y paisaxística. Nesta etapa, la cordalera va amosanos la so otra cara. La cara na que se bastia escontra'l Cantábricu vertixinosamente y onde los ríos escavaron los profundísimos valles asturianos, por cuenta de la erosión remontante pola cercanía al nivel del mar, acentuando l'altitú de la montes y modificando la nuesa perfección d'elles.
EL CAMÍN DEL SALVAOR PER L.LENA (ASTURIES)
Payares - La Pola, L.lena
PERCORRÍU TOTAL:
Percorríu BRANU: 24.5 km
Recorrido IVIERNU: 22.1 km.
Señalización: tol camín.
"Monte Central PUERTA D'ASTURIES"
DIFICULTÁ:
Dificultá camino BRANU: media
Dificultá camino IVIERNU: media-alta
ITINERARIU:
Camín de Branu:
Payares
Chanos de Somerón
Fierros
Erías
Campumanes
Camín d'iviernu:
Payares
La Romía Riba
Fierros
La Frecha
Campumanes
TRAMU FINAL:
Campumanes
La Vega'l Rei (Ilesia Santa Cristina de L.lena, Aula del Prerrománico Asturianu)
La Vega'l Ciigu
La Pola, L.lena. *Albergue "San Martín"
DESCRIPCIÓN DE LA ETAPA:
Sabios son los caminantes qu'al traviés de los sieglos trazaron caminos pa superar restos.
Nestes terras d'Asturies, tan abruptas como belles, estos retos son mayores entá. Dacuando, cobren forma de borrina, nieve, agua o calor asgaya. Asina ye'l clima del altu monte asturianu, espuestu a los húmedos vientos atlánticos: rigorosos pel iviernu y prestosos pel branu, pero simepre vairables ya impredicibles.
Pa faer frente a estes situaciones, l'inxeniu secular de pelegrín derivó nel trazáu de dos rutes paraleles dende Payares, una per cada llau del valle, pa combatir el fríu y otra pa soportar el calor, una a la solana y otra a la solombra... Ca ruta al so tiempu. Per Chanos de Somerón y Erías pel branu o per La Romía Riba y La Frecha pel iviernu.
En Campumanes xúntanse estos dos itinerarios pa siguir, yá casi en llanu, hasta La Pola, L.lena, fin d'esta etapa, onde se convida al pelegrín a folgar afayádamente nel Albergue San Martín, allugáu en plenu centru de la villa.
A su pasu ente Campumanes y a l'altura La Vega'l Rei, ufiértase al pelegrín, la mirada eterna del monumentu prerrománciu del sieglu IX Santa Cristina de L.lena, (Padremuñu de la Humanidá, HUNESCO, 1985) y a la visita cuasi obligada al Aula Didáctica del Prerrománcio Asturianu, na antigua Estación de La Cobertoria, pa culminar viendo l'ilesia.
Cada pelegrín escueye la ruta deseyada y les posible combinaciones ente elles nuna xornada que nun va dexar de sosprendenos a cada pasu y na que tenemos de tener presente que tamos travesando la puerta pola qu'Asturies se asmoa el restu de la península.
EL CAMÍN DEL SALVAOR PER L.LENA
La Pola, L.lena - Mieres
Percorríu: 16 km.
Señalización: tol camín.
Dificultá: baxa
Itinerariu:
La Pola, L.lena
La Vega
Vil.layana
Uxo
Mieres del Camín
La Peña *Albergue de La Peña
DESCRIPCIÓN DE LA ETAPA
El Camín ente La Pola, L.lena y Mieres escurre paralelu al ríu y a les modernes víes de comunicación, ensin xubíes nin baxaderes, pol fondu del valle. Arródiennos montes chiscaos d'aldegues, abondoses viesques y praos. El monte mixtu de ribera namái sume nos sitios urbanos y acopáñanos a lo llargo de la etapa. Escontra dambos llaos van abriéndose valles secundarios cargaos tamién de padremuñu cultural ya industrial, naturaleza y espacios protexíos, y una hestoria venceyada a les actividaes agropecuaries y mineras por igual: son los valles del ríu Ayer, del ríu Turón, y los regueros de Cuna, de Duró, de San Xuán y de Santirso.
Na confluencia d'estos valles col principal ábrense franques vegues onde s'asientan les grandes poblaciones d'esta etapa del camín: La Pola, L.lena, Uxo y Mieres, configuraes a partir de la intensa industrialización que tresformó la so fisonomía dende mediaos del sieglu XIX y convirtióles en importantísimos centros mineroindustriales. Focos de movimientos obreros, la so hestoria recién pasó por etapes d'esplendor altenadas con otres más convulsas como la Revolución del 34 y la Guerra Civil, la Postguerra o la reconversión de los años ochenta.
Mieres - Uviéu (Asturies)
Percorríu: 16.7 km.
Señalización: tol camín.
"Camino de Santiago, Itinerario Cultural Europeo"
Dificultá: baxa
Itinerariu:
La Peña (Mieres)
Alto El Padrún
Olloniego
Picullanza
El Caserón
Uviéu *Albergue El Salvador, enllaz col Camín Primitivu (Uviéu - Compostela)
