QUÉ YE LA PARTICIPACIÓN CIUDADANA
Nómase asina a la integración de la ciudadanía nel procesu d’adopción de decisiones del gobiernu del so pueblu. O, dicho d’otru mou, pa que un conceyu o país modernu algame los meyores servicios y oportunidades a la población, tien que cuntar con gobiernos abiertos y afayadizos, dispuestos a sentir lo que los ciudadanos y ciudadanes-yos quieren tresmitir pa la meyora de la política y la xestión de los asuntos públicos. Eso ye Participación ciudadana: la imprescindible participación de tolos homes, muyeres, mocedá,... que quierean implicase nos problemes que-yos, dando puntos de vista, inquietudes y soluciones.
¿POR QUÉ YE PERIMPORTANTE QUE LA CIUDADANÍA PARTICIPE?
La Participación Ciudadana ye necesaria pa facer DEMOCRACIA. Poro, ye perimportante pa favorecer el control de los/ es gobernates, tresmitir meyor lo que-yos preste a los y les ciudadanes, aminorgar los problemes, medrar los alcuerlos y facer menos costosa la toma de decisiones polítiques.
Amás, la participación esparde un tipu de ciudadanía que tien mayor interés por informase sobre los asuntos políticos, por cooperar cola xente, y ye más respetuosa colos que son diferentes lo qu'agabita la unión social ente los seres humanos y favorez la comprensión intercultural.
Cola aportación d'homes y muyeres a los asuntos públicos dáse un blincu cualitativu de la DEMOCRACIA REPRESENTATIVA, cada cuatro años nes elecciones, escaeciéndose de la xente a la DEMOCRACIA PARTICIPATIVA, onde los y les ciudadanes son elementos vivos na unión d'un pueblu día tres día.
¿QUIÉN S'ENCARGA DE ESPARDER Y XESTIONAR LA PARTICIPACIÓN CIUDADANA?
D’espardela encárguense dellos órganos (conceyos, autonomíes, ...) pasando poles consultes per internet, pero lo importante ye lo que se xenere y naza dende la propia ciudadanía o colectivos.
Cola Conceyalía de Participación Ciudadana el Conceyu L.lena tresversalmente, ye dicir, que tenga un algame global a la población, quier impulsar esta esperiencia perimportante pa la meyora del conceyu y de la contorna na que vivimos.
¿CÓMO SE PUE PARTICIPAR?
Pues participar de manera individual o colectiva, con d’asociaciones o entidades (mocedá, culturales, educatives, de muyeres, de mayores, de vecinos y vecines,...)
Y pues facelo per dellos caminos:
- Audiencies públiques
- Consultes ciudadanes (vía web, corréu, buzón de suxerencies...)
- Foros temáticos, iniciatives y propuestes…
Hai milenta fórmules de participación ciudadana a nivel local que son a averanaos a esti oxetivu:
- Los Conceyos Abiertos
- La confeción de Reglamentos de Participación Ciudadana
- El Defensor del vecín y la vecina
- El derechu d'accesu a la información
- La Iniciativa Popular
- El Referéndum
- Les Consultes Ciudadanes d'Opinión
- Los Comités d'Usuarios de Servicios
- El Presupuestu Participativu
- L'aplicación d'un porcetax determináu de los presupuestos dirixíos a les finalidaes determinaes pola ciudadanía al traviés de la consulta
