Brañil.lín 33693 Payares (L.lena). Asturies
Central de Reserva:985 95 70 97
Teléfonu Blancu: 902 534 424
Fax: 985 95 70 96
Corréu: info@valgrande-pajares.com
VALGRANDE-PAYARES
Allugada nel Conceyu de L.lena, nel llinde d'Asturies cola provincia de Lleón, la estación Ivernal Valgrande-Payares ye una de les estaciónes d'esquí pioneres n'España, qu'a lo llargo de los sos más de 50 años d'hestoia supo evolucionar y adaptase a l'actualidá faciendo numberoses reformes y meyoríes nes sos instalaciones.
Tien un terrén esquiable de 25 km. de pistes, a los que dan accesu 8 telesquís y 5 telesilles, con una capacidá de tresporte d'unos 9650 viaxeros/hora. Amás, tien una pista de fondu, snow-park, nel cumal de la estación, y estadiu de competición, lo que permite la práctica de delles modalidaes d'esquí.
Disón de 150 places d'agospedaxe al pie de la estación, nes modalidaes d'hotel y albergue, y otres 500 places d'agospedaxe nun radiu de 3 a 50 km.
La Escuela d'Esquí del Principáu d'Asturies, el Xardín de Nieve, el serviciu d'alquiles de material deportivu y los diferentes chigres y restaurantes, ponen a la so disposición tolos servicios que fayen falta pa que vos preste una afayadiza xornada d'esquí.
La facilidá d'accesu que tien la estación, asína como la so situación, a 25 minutos de la villa de La Pola L.lena, 40 minutos de ciudaes como Uviéu o Lleón y a 50 de Xixón y Avilés posibiliten la práctica del esquí con otru tipu de recursos deportivos, culturales, gastronómicos y de naturaleza.
Too esto fai de Valgrande-Payares un sitiu apropiáu pal aniciu nos deportes d'iviernu, bonu pa families y grupos.
