ASITIAMIENTU
C/ El Masgaín s/n
33630 La Pola, L.lena
Tlfnu.-Fax: 985 49 02 62
QUIEN SOMOS
Somos una escuela pública qu'impartimos el Primer Ciclu d'Educación Infantil (0-3 años).
La nuestra escuela abrióse nel añu 2006 gracies al conveniu de collaboración ente l'alministración del Principáu d'Asturies y el Conciyu de L.lena pal desarrollu del Plan d'ordenación de les Escueles Infantiles de 1er. Ciclu d'Educación Infantil, firmáu en noviembre del 2002.
QUÉ PRETENDEMOS
La Escuela tien calter educativu qu'empieza pola satisfacción de les necesidaes básiques de les nenos y nenes: comía, hixiene, xuegu, suinu,... Amás d'acompañalos nel descubrimientu de sí mesmos y del mediu onde viven.
Cola escolarización de los nenos y nenes de 0-3 años queremos algamar los oxetivos que van darréu:
- Apoyar y cooperar coles familias na educación de los nenos y nenes.
- Esparder la conciliación de la vida familiar, llaboral y social.
- Apoyu a les families en situación de desventaxa social, económica y cultural.
- Favorecer los procesos d'integración y atención temprana de los nenos y nenes con necesidaes educatives especiales.
CUÁNTES AULES TENEMOS
Tenemos capacidá p'acoyer a 39 nenos y nenes a tiempu completu repartíos en 3 aules por edaes:
AULA 0-1: con capacidá pa 8 bebés.
AULA 1-2: con capacidá pa 13 nenos y nenes.
AULA 2-3: con capacidá pa 18 nenos y nenes.
LES NUESTRES INSTALACIONES Y HORARIOS
Les nuestres instalciones alcuéntrense nel edificiu apegáu a la Esculela Pública Vital Aza, na calle El Masgaín, s/n de La Pola, L.lena.
La Escuela tien un horariu de 8:00 a 17:00 hores y tres tipos de xornaes:
- Xornada completa: d'hasta 8 hores (inclúi la comía)
- Xornada de mañana: la permanencia del nenu o nena nel centru durante cualesquier fracción de tiempu de la mañana, siempre que seya recoyíu enentes de la hora de la xinta.
- Xornada de tarde: d'hasta cuatro hores, siempre que dicha permanencia empecipie con posterioridá a la hora de la xinta.
