Parque La Ería, baxu (Casa d'Alcuentru de les Muyeres de L.lena)

33630 La Pola, L.lena (Asturies)

Tfnu.-Fax: 985 49 12 23

Corréu: medioambiente@aytolena.es

 

HORARIU D'ATENCIÓN AL PÚBLICU:

De Llunes a Vienres: 8:00 a 15:00 hores.

La Conceyalía de Xestión Ambiental y Recursos Naturales entama una “Campaña de recoyida de cartuchos vacios de tóner y tinta” nes dependencies del Conceyu.  
 

Aquella xente que quiera reciclar los cartuchos usaos, puen depositalos en cualquiera de los conteneores habilitaos pa ello nos puntos de recoyida siguientes: 
 

• Casa d'Alcuentru de les Muyeres de L.lena
• Telecentru (Casa de Cultura de La Pola)
• Centru de Llectura de Campumanes.
• Centru de Llectura de Vil.layana

 

A lo llargo d'esti añu 2011, los habitantes de L.lena collaboraron cola recoyía selectiva de 1.150 litros d'aceites vexetales d'usos domiciliarios.

Si quies aportar el to granín d'arena, pues depositar estos aceites nuna botella de plástico nos contenedores puestos nos supermercaos Alimerka y Dia de La Pola,  como tamién nel Centru Cultural de Campumanes.  
  

¡Evita qu'estos residuos lleguen a los calces de los ríos!

   

Consulta los resultaos obteníos na recoyía de ropa y calzáu usaos nel 1^er Trimestre del 2011 nel conciyu de L.lena.

 

LOCALIZACIÓN	KG RECOYÍOS
C/Vital Aza	960
C/ Requeral Xurde	840
C/ Robleo	730
C/ Santa Teresa	750
C/ Luis Menéndez Pidal	680
TOTAL	3.960

 

Foto de grupu n'El Brañil.lín, al entamu de l'actividá.

El pasáu 8 de mayo, fízose la 2ª sesión práctica del “Taller de Fotografía na Naturaleza”, entamáu por esti Conciyu y impartíu pola Asociación Fotográfica Flash - Lena.

La climatoloxía, que nun acompañó al principiu de l'actividá, foi meyorando a lo llargo del día, permitiendo finalmente a los aficionaos obtener semeyes de la naturaleza observada nel perecorríu ente El Brañil.lín y El Rul.lu.

 

Los ganaores del concursu con Gadi Cano, miembru del xuráu.

El Conciyu de L.lena, entregó'l vienres pasáu los premios del concursu de dibuxu “2011, Añu Internacional de la Viesca”. Alumnáu de 3º y 4º de primaria de los centros educativos de L.lena participaron nesti concursu, organizáu pola Conceyalía de Mediu Ambiente.

 

Tres el fallu del xuráu, na categoría de 3º de Primaria resultaron ganadores: Sara García Fernández del C.P. Vital Aza (primer premiu), Armando Samanez Barba de la Escuela Sagrada Familia-El Pilar (segundu premiu) y Ada Pulgar García del E.P. Jesús Neira (tercer premiu).

 

En cuantes a la categoría de 4º de primaria, los premios fueron pa: Sandra Álvarez Álvarez del E.P. Jesús Neira (primer premiu), Emily Pereira Gonçáles del E.P. Jesús Neira (segundu premiu) y Carlos Uche de la Escuela Sagrada Familia-El Pilar.

 Tolos dibuxos qu'entraron a concursu alcuéntrense espuestos nel Salón d'Actos del Hotel d'Asociaciones de La Pola, pudiendo visitase a lo llargo del mes d'abril.

 

El sábado, día 2 d'abril, en Muñón (conciyu de L.lena), ¡ties la oportunidá de plantar los árboles que quieras! Ente toos vamos plantar ná menos que 300 árboles autóctonos.  

Trái a la familia y amigos. ¡Procurái llenar los coches!  
Edá de participación: ¡ente 0 y 100 años!  Los furacos yá tán fechos... ¡ANÍMATE A AYUDAR AL PLANETA!
 
Organiza: Grupo Asturias de WWF España

Collaboren: Conseyería de Mediu Rural del Principáu d'Asturies, Conciyu de L.lena

Más información:

Plantación_WWF_2_abril920.pdf (120KB)

“La exposición consiste nuna recopilación de retratos de perros qu'ilustren el so pasu poles nuestras vides;  lo importante que llegan a ser para el ser  humanu, lo que faen por nosotros/es y el sitiu qu'ocupen nos nuestros corazones y nel nuestru ego. Testimoniu de cómo tán siempre ehí de forma incondicional, dexándose antroxar, humanizar, enseñar y hasta trabayen para nosotros/es.

  

Ye pa plantease quiene son realmente estos seres que dan tanto amor incondicionalmente. Amor qu'una gran parte de la humanidá nun sabe reconocer nin agradecer sinón más bien responden con maltratu, violencia y crueldá. Solo hai qu'esperar el momentu perfectu y regálente una imaxen que val más que mil palabres”.

 

Gema Sánchez González, Fotógrafa.

 

 

Pues visitar la exposición del 1 al 15 d'abril na Casa de Cultura de La Pola (Sala d'Exposiciones “Celso Granda”).

 

La obra teatral “Bosque de bosques”, tien como oxetivos averar a la población rural les causes y riesgos asociaos a los incendios forestales y implicala na prevención, va representase en La Pola dientro del marcu de la Campaña de sensibilización pa la prevención d'incendios forestales que desarrolla'l Ministeriu de Mediu Ambiente y Mediu Rural y Marinu (MARM).

La obra "Bosque de bosques", tien como protagonista principal a Serena, de la Brigada d'Investigación d'Incendios Forestales (BRIF), que tien de catar a los responsables d'un incendiu forestal nuevu que destruyó una visca. Nel llabor d'investigación van surdir engarraes familiares y intereses particulares qu'envolverán a la protagonista.

L'autor, Joaquín Araujo ye escritor, director de cine documental, naturalista y agricultor y toca per primer vez el xéneru teatral con esta obra. Cuenta, ente otros premios, col Global 500 de la ONU y el Premiu Nacional de Mediu Ambiente (1991 y 1997).

La obra represéntala la compañía Vistapalabra, una productora moza qu'axunta profesionales del espectáculu y l'animación y la que, dende hai tres años averóse a la educación ambiental col teatru, col convencimientu de que l'arte pue trescender del simple entretenimientu pa convertise nun mediu pa comunicar, enseñar y aprender.  

La función, tien entrada  gratuita y va representase'l sábado 9 d'abril, a les 20 h. nel Teatru Vital Aza.

 

Asistentes a la sesión práctica al entamu de la ruta Casi 30 persones participaron el sábado pasáu 19 de marzo na sesión práctica del “Taller de fotografía na Naturaleza”, organizáu pol Conciyu de L.lena y qu'impartió l'Asociación Flash - Lena.

 

D'esta manera, los participantes pudieron poner en práctica los conocimientos adquirios na sesión teórica que contó con un gran ésitu d'asistencia'l día 5 de marzo nel Hotel d'Asociaciones de La Pola.

 

El grupo de aficionaos que partió d'El Rul.lu con dirección a la Viesca de Valgrande realizó abondos retratos, colos que mostrar y poner en valor los recursos qu'ofrecen les viesques del conceyu de L.lena.

 

Con motivu de la declaración pola Asamblea Xeneral de les Naciones Uníes del añu 2011 como l'Añu Internacional de les Viesques, el Conciyu L.lenava facer  un "Taller de Fotografía na Naturaleza" de mano de l'Asociación Flash-Lena. 

Con esta actividá, los participantes van tener mayor conciencia de los beneficios económicos, socioculturales y ambientales de les viesques de L.lena, de la que s'adientren nel mundu de la fotografía. 

El taller divídese en dos partes: 

    Sesión teórica: Sábado 5 de marzo (10 - 14h, Hotel d'Asociaciones)

    Sesión práctica: Sábado 12 de marzo (9:30 - 18h.Viesca de Valgrande) 

Esta actividá va repetise nes distintes estaciones y los resultaos van mostrase na sala d'exposiciones de la Casa de Cultura. 

Aquelles persones mayores d'edá que tean interesaes puen inscribise na Oficina de Mediu Ambiente na Casa d'Alcuentru de les Muyeres de L.lena. 

Plazu d'inscripción: 4 de marzo

 

Por cuenta de la cellebración de la Selmana Europea de la Prevención de Residuos (20-28 de Payares), el Conceyu de L.lena llevó a cabo dos actividaes coles mires de concenciar a adultos y neños sobre la prevención de los mesmos, amosando asina una manera d'atayar esti problema nel so empiezu. 

 

Nes tardes del 22 al 25 de Payares, realizáronse talleres infantiles en Juvelena, colos que s'averó la prevención de borrafes a los más pequenos, incidiendo especialmente en cómo allongar la vida de los productos.

 

Estos talleres, nos que participaron unos 50 neños y neñes, llevaben por títulu, Cuentacuentos ¿De qué quéxense les basures?, El sacu de les borrafes, La ruleta qu'enseña a amenorgar y Reutiliza p'amenorgar residuos. 

 

Coles mesmes, nes mañanes del 23 al 26, una mesa informativa visitó los supermercaos de La Pola L.lena (L'Árbol y Alimerka). Dende esta mesa, enseñar a más d'un centenar de veceros a consumir meyor na so compra diaria,  cola cuenta d'amenorgar la xeneración de borrafes.

El Conciyu de L.lena abre'l plazu d'inscripción pa la próxima "Campaña de Compostaxe Domésticu 2011"

Puen participar aquelles persones que tean censaes y tengan la so residencia habitual en L.lena, y que tengan güerta o xardín con una superficie d'ente 50 y 200 m2, na propia vivienda o mui cerca d'ella. 

Aquelles personas que quieran participar, puen inscribise na Oficina de Mediu Ambiente allugada na Casa d'Alcuentru de les Muyeres. 

El plazu d'inscripción acaba'l próximu día 31 de xinero del 2011. 

Consulta los resultaos de l'anterior campaña de compostaxe

Memoria_campaña_compostaje30887671.pdf (1,22MB)

Darréu se muestren los resultaos obteníos na recoyía de ropa y calzao usaos durante l'añu 2010 nel Conceyu de L.lena, por trimestre y el total del añu. 

 

TRIMESTRE	KG RECOYIOS
1er Trimestre	3.770
2u. Trimestre	5.230
3er Trimestre	5.350
4u. Trimestre	5.680
TOTAL	20.030

La participación de los habitantes del Conceyu de L.lena na recoyida selectiva d'aceites vexetales usaos domiciliarios, dexó recoyer hasta la fecha más de 1.600 llitros d'aceite.

Dáu'l llixeru aumentu dende l'entamu de la campaña, la Conceyalía de Mediu Ambiente anímavos a siguir participando viviegamente na recoyida selectiva del aceite.

 

MES	CANTIDÁ (litros)
Mayu	180
Xunu	210
Xunetu	230
Agostu	250
Setiembre	220
Ochobre	200
Payares	210
Avientu	120
TOTAL	1.620 litros

La recoyida selectiva de les residuos llevada a cabu polos habitantes del Conceyu de L.lena, dexó recoyer el pasáu añu más de 300 Tn. de residuos, facilitando asina'l so posterior reciclaxe.

 

De siguío amuésense los rexistros de 2009, atendiendo a los distintos tipos de residuos:  

 

RESIDUO	PESO TOTAL(Tn)	KG/HABITANTE
Papel	151,0	11,7
Envases	60,2	4,6
Vidriu	114,7	8,8

Nel cursu de 2008-2009, pa celebrar el Día del Árbol, el 21 de Marzu, la Conceyalía de Xestión Ambiental y Recursos Naturales propunxo una actividá en collaboración colos colexos del conceyu. Esta actividá consistía n'ellaborar un catálogu de los árboles de L.lena y Campumanes.  Conoz los árboles qu'esisten nel Paséu de L.lencia y nos xardinos del Institutu Benedicto Nieto.

 

 

Descárgate equí'l pdf colos árboles de L.lena:

CATALOGU_ARBOLES5202.pdf (1,28MB)

LA CAMPAÑA

La Conceyalía de Mediu Ambiente del Conceyu de L.lena y la Policía Local, tán desenvolviendo una campaña de "Civismu, respetu y convivencia", colos siguientes fines:

• Garantizar una meyor convivencia ente los vecinos de L.lena al traviés de la concienciación pol respetu de los servicios y equipamientos municipales.
• Fomentar el respetu y la llimpieza de les víes públiques.
• Sopelexar y potenciar les Ordenances Municipales.

 

PARTICIPACIÓN:

Casi 200 nenos, nenes y adolescentes participaron nes charles sobre la campaña, atendiendo a les siguientes feches:

• 20 d'Ochobre: C.R.A. L.lena (15 alumnos)
• 25 d'Ochobre: E.S.O. Benedicto Nieto (90 alumnos de 3º y 4º d'ESO)
• 3 de Noviembre: Escuela Sagrada Familia (50 alumnos/es de 3 d'ESO)
• 5 de Noviembre: Escuela Sagrada Familia (30 alumnos/es de 4 d'ESO)

 

DESENVOLVIMIENTU:

Les charles centráronse nos aspectos siguientes:

• Conductes cíviques cola redolada (natural y urbanu) y ente los vecinos; nel casu d'alumnos de Primaria.
• Civismu y analís de la normativa en materia de menores infractores, pa los últimos cursos de la E.S.O.

La promoción y publicidá de la campaña realizar por aciu la repartida de trípticos y cartelos nos principales puntos d'interés del Conceyu, especialmente en Centros Culturales, Dependencies Municipales y colexos. Amás distribuyéronse por buzoneo 3.000 folletos informativos coles mires de faer llegar la campaña a la mayor parte de la población.

 

DESCARGAR FOLLETU:

Trípticu6750.pdf (695KB)

Nel pasáu mes de xunu fízose, una escursión a la ermita La Flor, siguiendo l'itinerariu pel ríu Naredo col fin de cellebrar la selmana de la Biodiversidá como homenaxe al trixésimu aniversariu de la muerte de Félix Rodríguez de La Fonte.

 

Con esta primer actividá, convidamos  a tolos habitantes de La Pola, L.lena, a formar parte de la conocencia del mediu ambiente que nos arrodia, de vieyes lleendes, costumes, ... Equí dexamos colgada la Lleenda de la Fonte de Villadiego" que'l so autor ye Germán Mayora García, según delles semeyes.

La_Leyenda_de_la_fuente222144611.pdf (417KB)

Inés Prada Fernández Conceyala de Xestión Ambiental y Recursos Naturales del Conceyu de L.lena, cuéntanos como foi la Xorná de Biodiverdidá y Aprovechamientos Agroalimentarios y Forestales del pasáu vienres 11 de xunu nel Hotel d'Asociaciones Juan Muñiz Zapico "Xuanín", en La Pola, L.lena.

"La xorná tuvo perbién y entamó a les 12 la mañana y tuvo presencia d'unes cincuenta persones, ente técnicos y xente d'asociaciones de los pueblos, y parez que toos quedaron encantaos. Empezó cola presentación por parte l'Alcalde (Ramón Argüelles), el Director Xeneral de Política Forestal (Joaquín Arce) y el responsable del programa d'investigación de fruticultura del SERIDA (Enrique Dapena).

Pela mañana falóse de temes más técnicos sobre l'agricultura ecolóxica y la ganadería y su impacto nel mediu. Participaron Enrique Dapena y Koldo, el director del SERIDA, que dixo cuestiones interesantes sobre la compatibilidá de la bayura d'especies ganaeras a la hora d'aprovechar un recursu y cuntó cómo les oveyes son les meyores "máquines" pa l.limpiar el monte y evitar incendios.

Depués fuimos a probar los productos ecolóxicos que nos truxeron los del COPAE, y dalgunos productos locales como la escanda y les casadiel.les.

Pela terde primero Pedro Zamora, Técnicu de CADAE, cuntónos les virtudes del compost y diferentes maneres de facerlo, y los vecinos que tán nel programa del compostaxe-y comentaron sus problemas. Llueu falaron los vecinos sobre la recuperación de la escanda y el proyectu para recuperar los zrezos. Tamién comentaron los de Chanos de Somerón que, por falta d'interés de la xente más mozo, se tá perdiendo el padremuñu de los arbeyos. La xente sémalos en pequenes fasteres pero lo van abandonando poco a poco porque son mayores. Se faló de problemes d'enfermedaes de los cultivos y posibles soluciones. Un emprendeor de la zona cuntó la esperiencia de la recuperación de la escanda como recursu comercial. Anguaño tien ocho persones empleaes y va a ampliar, porque va a incluir un obraor nel negociu. Tol procesu fáenlu de forma ecolóxica. Tamién participaron los de FUCOMI, que tienen un taller d'empléu dedicáu a la güerta, cuntándonos sus esperiencies.

A les cinco la terde hubo un taller para los nenos onde ficieron semilleros, vieron basura orgánica y compost, se-yos esplicó un poco el procesu, ficieron xuegos pa reconocer los distintos sabores de les frutes y al final se-yos dio de merendar fruta y yogur ecolóxicu.

El rapaz que tien los gochos astur-celtes nun pudo venir por problemes d'inundaciones, y ssàrrimó a última hora pa cuntanos que tamién tien asturcones y oveyes xaldes, porque intenta recuperar la ganadería autóctona, y los problemas que tien pa comercializar la carne. Los animales, anque son pa consumu humanu, tienen una buena calidá de vida porque anden sueltos polos praos; ná que ver colos animales de granxa. La xorná se piesl.ló a las siete la terde, se pidieron teléfonos de contacto ente los participantes pa siguir col tema. La Xorná foi polo tanto un ésitu de contenido y participación, a pesar del mal tiimpu".

ITINERARIU:

En La Pola, L.lena, una vegada travesáu'l barriu de La Caleya, tomamos  la sienda que cuerre paralela al ríu Naredo, vieyu Camín Real que comunicaba ésta localidá col conceyu de Quirós.

En dirección Oeste vamos pasar a la vera de la localidá de Palacios, dexando atrás la fonte Fría y un antiguu molín de rabil.

Llegamos pocu dempués a la ermita de La Flor, del s. XV y asitiada nuna guapa pradería xuntu al ríu, que según la lleenda, debe'l so nome a una bellu doncella de nombre Flor que, raptada, morrió nesti llugar. Nesti llugar, vamos realizar una parada pa reponer fuerces pa darréu tornar a La Pola L.lena.

 

CARACTERÍSTIQUES BIOLÓXIQUES:

A lo llargo de tola vera del ríu dende la so desaguada hasta'l núcleu de Tablao, atopamos distintos tipos de vexetación:

• Vexetación de ribera: álamu, alisio, fresnu, sauce.
• Vexetación qu'hai nes veres del camín: pládanu, zrezal, castañal, pumar, haya •Nos
  bodes de los caminos , los parrotales más frecuentes son: escuernacabres, majuelo, sabugu, moral
• Al respective de la fauna podemos atopar sobremanera insectos y aves acomuñaes a esti ecosistema fluvial.

 

RESUME DE LA XORNÁ

La finalidá d'esta actividá ye participar nel homenaxe al trixésimu aniversariu de la desapaición de Félix  Rodríguez de la fonte na Selmana pola biodiversidá.

Como puede reparase na páxina web biodiversiddavirtual la selmana del 30 al 6 de xunu foi la escoyida pa realizar dichu reconocencia. Esta selmana básose en realización de testing, esposiciones y charres en tou territoriu español. La finalidá escorrida, pola fundación Biodiversidá s'estructura en 3 principios:

1. Fotografiar el máximu númberu d'especies animales y vexetales; xubiendo estes semeyes a la páxina web.
2. Rexuntar al mayor númberu posible de naturalistes nestes xornaes.
3. Sopelexar el respetu a la naturaleza y la so conocencia.
    

Nel casu de Conceyu de L.lena, foi'l primeru n'inscribise nesta selmana de Félix  na Comunidá Aútonoma del Principáu d'Asturies, darréu sumáronse a la iniciativa otros grupos de les zones de Quirós y Rodiles. 

 

L'itinerariu plantegáu pol Conceyu de L.lena, foi'l camín de la Flor, con entamu na estación de tren de la localidá de La Pola L.lena hasta la ermita de la flor. Escoyóse esti itinerariu, pola facilidá d'accesu y participación  de persones de toles edaes.

 

Por cuenta de la condiciones climatolóxiques desfavorables, la participación nun foi tou lo numberosa que s'esperaba, sicasí realizáronse un númberu eleváu de fotografíes, que s'atopen asitiaes na páxines Web, que mentemos enantes na Galería fotográfica l'Home y la Tierra.  Aprosimao realizáronse 200 fotografíes de les que fueron xubíes a la páxina mentada unes 50 fotografíes, quedando della fotografía ensin ser xubida a la páxina nestos momentos. Delles fotografíes  nun fueron xubíes, por ser descomanadamente repetitives, desenfocadas o nun cumplir los criterios espuestos la fundación.

 

Más info: biodiversiddavirtual

Bolses de plásticu, ¿d'ónde vienes?

Les bolses de plásticu tán feches de plietileno, un termoplástico deriváu del petróleu. Como yá sabemos, el petróleu ye un recursos non anovable, polo tanto tenemos que buscar soluciones alternatives.

Na ellaboración y distribución de les bolsa peracábense grandes coantidades d'enerxía y agua.

Pero ¿los problemes son solo, el consumu d'enerxía y petróleu?

Les bolses de plásticu, que tiramos a la basura, nel meyor de los casos van parar a los vertideros onde contaminen el suelu.

Dacuando, estiéndense de manera incotrolada pela tierra y el mar, onde los animales marinos (ballenes, cachalotes, delfines y tortúes,...) cómenles, confundiéndoles con aguamales y muerren miles cada añu.

¿Por qué debes de nun usar les bolasa de plásticu y usar la to propia bolsa?

Porque con ello va a ahorar a lo menos una bolsa al día, unes 24 bolsa a la selmana, unes 288 bolses al añu, aprosimao unes 22.176 bolses en tola vida.

Vas protexer el MEDIU AMBIENTE aforrando agua y enerxía y amás salvar la vida de mil animales.

Por tou ello, dende'l Ayuntmaiento de L.lena al traviés de la Conceyalía de Xestión Ambiental y la Conceyalía de Política Llingüística, te animamos a participar nesta campaña

¡ACOSTÚMATE A LLEVAR LA TO PROPIA BOLSA AL MERCÁU!

Se responsable y xúnite a la nueva moda, lleva siempres la to bolsa. Nós TE DAMOS el primer emburrión, regalándote esta primer bolsa

Y pa les tiendes, otres bolses de cartón, que pueden sustituyir les actuales de plásticu.

El conceyu de L.lena, consciente de la importancia del reciclaje, punxo en marcha la campaña de "Recoyida selectivo d'Aceites d'Usu domiciliariu” Esta campaña consiste en mentalizar a los ciudadanos de la necesidá de reciclar polo xeneral, y nesti particular casu, l'aceite. La campaña foi desenvuelta pente medies de una serie de charres realizaes pola Asociación Escanda” nos Colexos del términu municipal de La Pola, L.lena y el Centru de Día.  Los escolares recibieron nestes charres un embudu que dexa una mayor facilidá pa recoyer  los aceites vexetales usaos nos nuesos llares, xuntu con un trípticu esplicativu de la necesidá d'esti reciclaxe.

Per otra parte, mentar que conceyu de L.lena a partir del día 16 de marzu, esta realizando la entrega d'embudos (hasta fin d'esistencies) na Casa d'Alcuentru de les Muyeres, Juvelena, Centru de día y Casa de la Cultura de Campumanes. Así que, si nun disponen d'unu, animámoslos a qu'alleguen  a estos puntos de recoyida. Los llugares onde pueden depositase les botelles col aceite atópense nos dos Alimerkas de La Pola, L.lena y la Casa de la Cultura en Campumanes. Recuerden que les botelles han de ser de plásticu y que los aceites son  los derivaos del usu na alimentación. Así mismo, la recoyida de los mesmos ye gracies a la empresa Pumariega  Xestión S.L.

La fabricación de compost na casa a partir de restos vexetales del xardín o de la güerta y de restos d'alimentos vexetales non cocinaos xeneraos nel llar, ye una manera d'amenorgar la xeneración de borrafes urbanes qu'acaben nel vertideru, llogrando una enmienda orgánica aprovechable como abonu d'usu particular.

 

COGERSA ta impulsáu dende'l pasáu mes de xunu una esperiencia piloto de compostaje domésticu colos conceyos asturianos xuntaos a la Rede de Conceyos pol Reciclaxe.

 

Más info: CAMPAÑA PILOTO COMPOSTAXE DOMÉSTICU

El proyecto LIFE+ “correores de comunicación pa la conservación del osu pardu” o “LIFE+ Correores osu” se va desendolcar a lo llargo de tres años (2009-2011) en dos ámbitos d'actuación: el correor interpoblacional y el correor de L.leitariegos.

 

ÁMBITU:

El Correor Interpoblacional s'esparde pelos conceyos de Barrios de Luna, Cármenes, La Pola Gordón, Sena de Luna, Valdelugueros, Vegacervera y Vil.lamanín (Castiella y Lleón), y d'Ayer y L.lena (Principáu  d'Asturies), mientres qu'el Correor de L.leitariegos s'alluga nos conceyos de Villablino (provincia de Lleón) y Cangas del Narcea (Principáu d'Asturies).

 

MÁS INFO: FUNDACIÓN OSO PARDO

 

BAXAR TRÍTICU D'INFORAMCIÓN:

life_corredores_osu1976.pdf (1,6MB)

Campaña que s'anicia nel añu 2004 con Cruz Roja Española y la Fundación Entreculturas en collaboración con CMR.

Pa la recoyida, pues utilizar les bolses qu'atoparás na Casa Conceyu de L.lena o en cualesquiera de les dependencies municipales pa unvialu GRATIS al remitente de la bolsa.

Los beneficios:

1. ACCIÓN SOCIAL, los ingresos xeneraos cola reutiliación de los móviles donaos empobínense a proyectos humanitarios, sociales y d'educación, en favor de los colectivos y países más desfavorecíos.

2. ACCIÓN MEDIOAMBIENTAL, al recoyer los móviles fuera d'usu y esparder su reutilización y reciclao, se favorez la conservación del mediu ambiente.

¡ANÍMATE Y COLLABORA TÚ TAMIÉN!

 

Más info: DONA'L TO MOVIL

DOCUMENTU D'INFORMACION PUBLICA DEL NUEVU PLAN RECTOR D'USU Y XESTION DEL PARQUE NATURAL LAS UBIÑAS-LA MESA

MEMORIA_COMPLETA_PRUGUBIÑAS89255298.pdf (1,13MB)

El pasáu día 27 de mayo, celebróse'l Día del Árbol en La Pola. Esta iniciativa promovida por UCOFA (Unión de Cooperativas forestales de Asturias) y el Conceyu de L.lena enseñó a los alumnos de primaria de les escueles del conceyu (C. P Vital Aza, C.P. Jésus Neira, C.P. Sagrada Familia, C.P. El Pilar y C.R.A  L.lena) la importancia de los árboles y la necesidá de cuidalos.  Esti día acabó cola plantación d'un árbol por cada nenu nun monte del conceyu y la entrega de premios del certame de dibuxu. Recordamos que los dibuxos premiaos, puen  recoyese na casa d'alcuentru de les muyeres.

L'alcalde de L.lena Ramón Argüelles entregando'l 1º premiu de la categoría de 10-12 años

Esta campaña ye la nueva iniciativa del Conceyu de L.lena pa influir na conciencia de los escolares no tocante al tema de les mascotes. Básase en desplicar a los nenos/es cómo se debe educar a les nuestres mascotes pa qu'esista una buena convivencia nel vecindariu y la problemática del abandonu de les mesmes.

 

Pa la realización d'estes charles, la protectora d'animales XANA. ORG collaboró activamente con nosotros. Per otru llau, repartióse la Historia de Togo pelos Escueles del conceyu de L.lena,  per  Juvelena y per otros centros. 

 

Más info: LA XANA 

 

DESCARGAR CARTAFUEYU:

Historia_de_Togo2610.pdf (428KB)

El Plenu del Conceyu de L.lena en sesión ordinaria celebrada'l 27 de marzu del 2008 acordó l'aprobación de la "Ordenanza Municipal reguladora del usu y xestión de parques, xardinos y espacios verdes."

 

Esta Ordenanza sométese a información pública pel plazu de 30 dies a cuntar dende la fecha d'espublización nel BOPA del 2 de xuno del 2008. pa que los interesaos puean ver l'espediente y presentar les reclamaciones y suxerenciae que crean oportunes. L'espediente ta a disposición na Casa Conceyu.

Ordenanza_de_parques_y_jardines5278.pdf (87KB)

Convencíos de que la presión pública ye unu de los mecanismos más efectivos pa producir los cambeos necesarios pa la meyor protección del nuesu planeta, desenvolvimos una nueva versión de la participación ciudadana pal mediu ambiente

Queremos implicar a tola ciudadanía pa frenar la creciente degradación del medioambiente del planeta. Toos somos testigos de les constantes violaciones medioambientales que se producen, a diariu, al nuesu alredor.

Al traviés d'esti mecanismu, vamos dar publicidá a los tos testimonios fotográficos, creando asina más presión social na defensa del medioambiente y sopelexando les deficitaries situaciones nes que se desenvuelven numberoses actividaes humanes anguaño.

El nuesu oxetivu nun ye otru que sensibilizar a la población sobre la realidá medioambiental, apurriendo datos concretos. Una vía directo y efectivo de poner el to granín d'arena pola defensa del nuesu planeta.

Puedes unvianos toles semeyes que quieras, pero recuerda que con caúna d'elles vas tener que rellenar el formulariu de participación.

La to participación ye necesaria. Tamos esperando la to unviada.

 

Más info: fotodenuncia

BAXAR CALANARIU DE RECOYÍES DE BASURES:

recoyida_basures_y_llim3239.pdf (234KB)