La LLINGUA ASTURIANA y les sos variantes constituyen un patrimoniu histórico-cultural que ye necesario defender y conservar. Ye un fechu evidente que la potencialización llingüística y cultural favorez la revitalización de les señes d'identidá d'un pueblu.

La necesidá d’una política llingüística surde pola situación de conflictu llingüísticu que se ta dando n’Asturies, produciéndose un billingüismu desequilibráu con una serie d’efectos negativos (interferencies, diglosia,...) pa dambes llingues: l’asturianu y el castellán, que col pasu’l tiempu va en detrimentu de la llingua considerada más baxa: LA LLINGUA ASTURIANA.

L’oxetivu ye perclaru: NORMALIZACIÓN SOCIAL, ye decir, normalizar el so usu ensin torgues, conseguir que s’use una llingua nos ámbitos sociales (la escuela, l’alministración, los medios de comunicación, nos fechos comunicativos formales y informales, nes editoriales,...) pa evitar la desaparición y desaniciu total de la llingua asturiana .

Poro, dende'l Conceyu L.lena desarróllense acciones que van camín del RESPETU, CALTENIMIENTU, ESPARDIMIENTU Y NORMALIZACIÓN de la LLINGUA ASTURIANA Y LA SO VARIEDÁ L.LENIZA.

Conceyalía Política Llingüística L.lena