ALLUGAMIENTU
CENTRU DE SERVICIOS SOCIALES DEL CONCEYU
C/ El Llerón, nº 1
33630 La Pola, L.lena (Asturies)
Tfnu.: 985 49 28 60
Corréu: pdrogas@aytolena.es
QUÉ YE'L P.M.P.D. (PLAN MUNICIPAL DE PREVENCIÓN DE DROGODEPENDENCIES)
Ye una iniciativa del Conceyu L.lena, dirxida a promover y apoyar, nel nuestru conceyu, acciones que valgan pa eliminar o aminorgar los problemes rellacionaes coles drogues.
El Conceyu cuenta con una suvención de la Conseyería de Salú del Principáu d'Asturies pal desendolque del Plan. Funcionalmente, el Plan depende de la Conceyalía de Bientar Social y dispón nel Centru de Servicios Sociales del Conceyu de personal técnicu que s'encarga de coordinar les actividaes que se lleven alantre, nes que participen otros departamentos y otres instituciones y colectivos del Conceyu.
L'oxetivu prioritariu del Plan ye la prevención, ye dicir, lo que podemos facer pa evitar los problemes coles drogues.
La base de la prevención ye la formación integral de les persones y la promoción de la salú; trátase de facer lo posible pa facilitar que les persones escueyan estilos de vida bonos pa la salú.
Prevenir ye una xera de toes y toos. Pa que la prevención sea eficaz ye imprescindible'l trabayu conxuntu y coordináu ente los axentes sociales: les families, los centros escolares, los servicios de salú, les distintes árees del Conceyu,...
QÚE RECURSOS S'UFIERTEN
Una de les funciones del PLAN DEL CONCEYU sobre DROGUES ye poner a disposición de les ciudadanes y ciudadanos los recursos necesarios pa que puean collaborar na prevención:
- INFORMACIÓN Y ORIENTACIÓN sobre temes rellacionaos coles drogues y la prevención.
- FORMACIÓN: cursos de prevención dirixíos a les families (educación infantil, educación pa mocedá,...); cursos pa los mediadores sociales (monitores de tiempu llibre, miembros d'asociaciones y otros grupos)
- APOYU A LOS CENTROS ESCOLARES en proyectos d'Educación pa la Salú y la prevención de les drogodependencies.
- INFORMACIÓN sobre recursos pa dexar de fumar.
- DOCUMENTACIÓN especializada sobre Educación pa la Salú y Prevención.
- COLLABORACIÓN con asociaciones y otres entidaes n'Educación pa la Salú y Prevención de les drogodependencies.
