La LLINGUA ASTURIANA y les sos variantes constituyen un patrimoniu histórico-cultural que ye necesario defender y conservar. Ye un fechu evidente que la potencialización llingüística y cultural favorez la revitalización de les señes d'identidá d'un pueblu.

La necesidá d’una política llingüística surde pola situación de conflicto llingüísticu que se ta dando n’Asturies, produciéndose un billingüismu desequilibráu con una serie d’efeutos negativos (interferencias, diglosia,...) pa dambes Ilingues: l’asturianu y el castellán, que col pasu’l tiempo va en detrimento de la llingua más baxa: LA LLINGUA ASTURIANA.

L’oxetivu ye perclaru: NORMALIZACIÓN SOCIAL, ye decir, normalizar el so usu ensin torgues, conseguir que s’use una llingua nos ámbitos sociales (la escuela, l’alministración, los medios de comunicación, nos fechos comunicativos formales ya informales, nes editoriales,...) pa evitar lla desaparición y desaniciu total de la llingua asturiana .

Poro, dende'l Conceyu L.lena desarróllense aiciones que van camín del RESPETU, CALTENIMIENTU, ESPARDIMIENTU YA INTEGRACIÓN de la LLINGUA ASTURIANA Y LA SO VARIEDÁ L.LENIZA.

Conceyalía de Política Llingüística L.lena