El Conciyu de L.lena, dende l'área de Cultura, convoca una edición nueva , la 58, del certame internacional de 'Cuentos L.lena', que tien de dotación un premio de 3.000 euros y que s'entregará alredor de les fiestes de Les Feries, n'octubre.

Cada añu el Conciyu recibe más de 300 orixinales procedentes de toa España y tamién de países como Arxentina, Cuba, Chile, Ecuador, Venezuela, México, Colombia, Estaos Uníos, Suecia, Italia y Alemania, ente otros.

Esti añu les persones interesaes en participar nesti concursu tienen un plazu hasta'l 31 de marzo pa mandar el trabayu, con extensión mínimu de cuatro folios y un máximu d'ocho, per una o dos cares, mecanografiaes. Habrán presentar l'orixinal y cinco copies escrites en castellano o n'asturiano y firmaos con nomatu, qu'han acompañar con un sobre zarráu nel que conste'l nome, apellíos, señes y teléfonu del autor o autora (que solo podrá presentar un trabayu).

El tema sedrá llibre y el cuentu ha ser inéditu. Les persones interesaes podrán presentar los trabayos dende la publicación de les bases y hasta'l 31 de marzo del 2021. Sedrá un xuráu quien escueya al ganador o ganadora. El premiu va entregase nun actu que se celebrará peles fiestes de Les Feries

Documentos

Bases LVIII Cuentos Lena/L.lena