Aviso Vuelta Ciclista a España - 2020 - ayto-lena
Avisu Vuelta Ciclista a España - 2020
CASCU URBANU DE LA POLA (L.LENA)
El pasu de la Vuelta Ciclista a España per La Pola (Lena), el próximu SÁBADO 31 D'OCTUBRE, implica una serie de restricciones nel tráficu y aparcaderos en delles calles del cascu urbanu.
L'itinerariu de pasu de la Vuelta Ciclista en La Pola, comprende les calles siguientes, que se citen n'orde de pasu:
- Hermanos Granda
- Corporaciones de Lena
- Plaza Alfonso X el Sabio
- Grande Covián
- Canuto Hevia
- Molín de la Sala.
La calle Vicente Regueral va ponese de doble sentíu, el tiempu estrictamente necesariu, y sedrá tamién obxetu de restricciones en materia d'estacionamientu, como tamién el tramu final de c/Marqués de San Feliz y C/La Rivera.
Nestes calles, por razones de seguridá y llimpieza, l'estacionamientu en dambes dos márxenes de la calzada, (sacante les zones de batería fuera de la calzada), quedará restrinxío dafechu dende les 21:00 hores del día anterior (vienres 30 d'octubre)
El pasu del pelotón pel cascu urbanu de La Pola (L.lena) cuéntase que sea ente les 14:40 hores (horariu más favorable) y 15:00 hores. Mientres dure'l corte, nun se van permitirá pasos tresversales nel itinerariu de la prueba.
Téngase en cuenta que les calles afectaes pol pasu van cortaráse al tráficu cola antelación abonda pa garantizar la seguridá de la prueba, como mínimu 20 ó 30 minutos.
Prohíbese l'accesu y circulación pel cascu urbanu de camiones articulaos o que superen les 12 tonelaes (MMA), dende les 07:00 hores del sábado 31 d'octubre, hasta les 16:00 hores del mesmu día.
Cola finalidá de facilitar l'estacionamientu, los aparcaderos públicos d'Hermanos Granda y Corporaciones de Lena nun tán suxetos al pagu de tasa, dende les 20:00 horas del vienres 30 d'octubre hasta les 09:00 hores del llunes 2 de noviembre.
Les personas que cuenten desplazase al cementiriu municipal el sábado 31, habrán tener en cuenta les restricciones y cortes de tráficu señalaes anteriormente.
Por cuenta del andanciu del covid-19, nun se permitirá concentración de peatones peles ceres y zones peatonales peles que pase la etapa, polo que s'encamienta'l seguimientu pelos medios de comunicación y retransmisiones radiofóniques.
