BANDO: Corte de la circulación en Cuturresu. - ayto-lena
BANDU: Corte de la circulación en Cuturresu.
GEMA ÁLVAREZ DELGADO, ALCALDESA DEL ILMU. CONCIYU DE L.LENA
FAGO SABER
Dende les 8:00 hores d'hoi, llunes 18 de xinero del 2021, por cuenta de los trabayos de montaxe de ferralla y formigonáu de llábana nel tramu en reparación del accesu a Cuturresu pel camín AsPr-87,88,91, ta previsto'l corte de la circulación nesi tramu nun plazu estimáu de dos selmanes.
Nesti períodu, va tar operativu'l camín acondicionáu ente Tiós y Cuturresu, permitiendo'l pasu de vehículos todoterrenos y el servicio de taxi, ininterrumpío les 24 hores del día (Tfnu. 615989914), hasta'l reestablecimientu del tráficu pel tramu afectáu del camín AsPr-87,88,91.
Les persones usuaries de vehículos turismu, col fin de que puedan circular con normalidá pel restu del camín AsPr-87,88,91 hasta la conexón cola carretera LN-6, tendrán la posibilidá d'utilizar l'aparcaderu dispuestu na parcela acondicionada al sur del tramu en reparación, pudiendo atravesar a pie la zona n'obres per una pasarela provisional que tamién se va instalar nel corte.
L'ALCALDESA