El sábado 5 de diciembre del 2020 presentóse la Campaña "Pon la to caxa" promovida pol Grupu de Participación Infantil y Adolescente de L.lena. L'obxetivu de la campaña yera propiciar el trabayu comunitariu pa dar a estes difíciles Navidaes l'espítitu navideñu tan necesariu nestos tiempos difíciles que vivimos. Pa ello propunxeron a comerciantes y hosteleros de L.lena que ficieren una caxa decorada como promoción de los establecimientos.

Les caxes formen parte de la decoración de los alredores de la Casa Conciyu, de la mesma manera qu'una pancarta con mensaxes navideños de los Reis Magos que diseñaron l@s mayores del Grupu de Participación. Al actu acudieron, siempre cumpliendo les midíes sanitaries y a pesar del mal tiempu, una representación  de l@s comerciantes y hosteler@s de L.lena, les Conceyales de Bienestar Social, Mocedá y Muyer, y d'Hostelería, Comerciu y Consumu, y el Conceyal d'Urbanismu, Obres y Servicios, amás de la representación del Grupu de Participación de L.lena, como organizadores de l'actividá