CONCURSU DE DISFRACES FOTOGRÁFICU L.lena21

ANTROXU INFANTIL Y XUVENIL EN L.LENA

Con motivu de la celebración del ANTROXU INFANTIL Y XUVENIL en L.lENA pal próximo 16 de febrero y énte la situación sanitaria que tamos viviendo faise imposible facer los eventos como años anteriores, nun queríamos dexar pasar la fecha ensin que se pudiera disfrutar d'esta fiesta de dalguna manera. Por esti motiviu proponémosvos esti CONCURSU DE DISFRACES cola

FOTOGRAFÍA DIXITAL.

¡ANÍMATE A AMAÑAR EL TRAXE, FACER UNES SEMEYES Y PARTICIPAR!

1ª PARTICIPANTES: Podrá participar nel concursu cualquier persona empadronada nel conciyu de L.lena con 1 semeya de nenos/es y/o mozos/es del conciyu mazcaritaos d'Antroxu.

2ª TEMÁTICA: Llibre, coles categoríes siguientes (atendiendo a la edá de la persona fotografiada).

Categoría A: Menores de 10 años Categoría B: 11 años 17 años Categoría C: 18 a 25 años

3ª OBRES: 1 semeya por persona. Les obres que concursen habrán ser úniques, propies, orixinales y responder a la temática propuesta.

4ª PRESENTACIÓN: Los trabayos fotográficos han mandase per corréu electrónicu adxuntando 2 archivos: ún cola semeya y otru cola solicitú .

• L'archivu cola semeya (pone-y títulu) en formatu electrónicu (JPG./.JPEG), de calidá, en B/N o color. Podrán facese axustes que nun distorsionen l'orixinal, nun se van admitir retoques qu'añadan o supriman elementos ayenos.

• L'archivu cola solicitú oficial colos datos:Títulu de la semeya /Nome y apellíos/ DNI / Señes postales / Dirección e-mail / Teléfonu de contactu / Fecha de nacimientu.

  Los datos personales nun han apaecer nin na semeya nin en ¿propiedaes de la semeya¿.

5ª ÓNDE MANDAR LA OBRA: Les obres remitiránse per corréu electrónicu a la dirección: juvelena@aytolena.es

nel Asuntu poner: Concursu Disfraces Fotográficu L.lena 21 -ANTROXU INFANTIL Y XUVENIL

6ª PLAZU D'ADMISIÓN:El plazu pa presentar les obres tará abiertu del 1 al 15 de febrero del 2021 a les 15h. Nun se van admitir obres fuera d'esa fecha.

7ª PREMIOS: 1 premiu por categoría consistente en vales pa gastar en cualquier establecimientu del conciyu.

Premiu categoría A: vale de 100 euros

Premiu categoría B: vale de 100 euros

Premiu Categoría C: vale de 100 euros

Premiu del públicu a la semeya más votada: vale de 50 euros

3 Sorteos entre tola xente participante d'un vale de 20euros caún.

Cada participante nun podrá obtener más d'un premiu.

8ª FALLU: El fallu del xuráu sedrá pal 27 de febrero del 2021 y comunicaráse pola organización a los premiaos y publicaráse na web del conciyu y redes sociales d'OM Juvelena. Si nun hubiera restricciones sanitaries tamién se fadría de forma presencial nun actu.

9ª EL XURÁU:El xuráu tará formáu por 3 persones pertenecientes al ámbitu de la fotografía, la moda y la pintura y dos representantes del Conciyu (conceyal/a o persona na que delegue y la técnica de Mocedá como secretaria)

Atenderáse a criterios de creatividá, orixinalidá y calidá técnica. El xuráu seleccionará ente 10 y 20 obres finalistes (dependiendo del volume de semeyes que se presenten) pa una Exposición, d'ente les que va escoyer les obres premiaes. La exposición coincidirá cola fecha del fallu.

SISTEMA DE VOTACIÓN ON-LINE

• El sistema de votación permite la participación de tola ciudadanía, colos votos on-line. Los votos on-line sirven pa otorgar el Premiu del Públicu.

• La votación on-line podrá facese dende l'enllace que s'habilitará n'acabando'l plazu de presentación. Nesi enllace subiránse les semeyes presentaes onde podrán votase del 1 al 10 .

• Un/a usuariu/a pue votar si quier más d'una semeya, pa evitar les votaciones automatizaes a una mesma semeya nun se contabilizarán dos votos dende un mesmu corréu electrónicu.

• Las deliberaciones del xuráu son secretes y solo se va conocer el fallu.

10ª DEVOLUCIÓN D'OBRES: Les obres, al ser en formatu dixital, nun van devolvese.

11ª DERECHOS D'AUTOR: Los derechos de propiedá intelectual de les imáxenes son exclusivos del autor/a. Les persones participantes autoricen a la organización la exhibición de les obres presentaes. Les premiaes tamién ceden los derechos de reproducción de les obres ganadores nos medios que considere oportunos, siempre que sean ensin ánimu d'arriquecimientu y citando'l nome del autor/a.

12ª ACEPTACIÓN DE LES BASES:La participación nesti concursu supón l'aceptación de toes y caún d'estes bases dafechuy del fallu inapelable del xuráu.

FUEYA D'INSCRIPCIÓN

Rechazu de trabayos: Les semeyes revísense de la que se reciben y si nun cumplen colos requisitos esixíos refúguense.

*Aceptando estes bases acéptase'l poder consultar la confirmación de que les persones que ganen tán empadronaes en L.lena

* Axustámonos siempre a la Llei de protección de datos https://www.aytolena.es/lopd

CONTACTU: Cualquier duda pónganse en contactu con OJ JUVELENA TF: 985490617

Los premios tienen una caducidá de 2 meses, si nun se recoyeron o se solicitó mandalos nos dos meses siguientes al 27 de febrero , nun van poder reclamase.

ORGANIZA: Conciyu de L.lena por OM JUVELENA