El Conciyu de Ḷḷena, al traviés de la área de Cultura, convoca una nueva edición, la LIX, del certame internacional de 'Cuentos Ḷḷena', que ta dotáu d'un premiu de 3.000 euros y que se va emtregar cerca de les fiestes de La Flor, n'abril.

Cada añu'l Conceyu recibe más de 300 orixinales procedentes de toa España y tamién de países como Arxentina, Cuba, Chile, Ecuador, Venezuela, México, Colombia, Estaos Xuníos, Suecia, Italia y Alemaña, ente otros.

Les persones interesaes en participar nesti concursu tienen un plazu hasta'l 31 de xineru del 2022 pa mandar el trabayu.La extensión va ser d'un mínimu de cuatro folios y un máximu d'ocho, por una o dos cares, mecanografiaes. Tendrán de presentar l'orixinal y cinco copies escrites en castellanu o n'asturianu y firmaos con pseudónimu, que van acompañar con un sobre zarráu nel que conste'l nome, apellíos, dirección y teléfonu del autor o autora (que namás va poder presentar un trabayu).

El tema va ser llibre y el cuentu tendrá de ser inéditu. Les persones interesaes van poder presentar los trabayos dende la publicación de les bases y hasta'l 31 de xineru del 2022. Va ser un xuráu'l qu'escueya el trabayu ganador, el premiu va ser entregase  nun actu que se va celebrar nes fiestes de La Flor

ENTAMA: Conciyu Ḷḷena  (Asturies, España)
XÉNERU: Cuentos
PREMIU: 3.000 €
FECHA DE PIESḶḶE:  31-01-2022
MÁS INFO:
Casa de Cultura
Plaza Alfonso X el Sabiu 7
33630, La Pola Ḷḷena  (Asturies)
Tfnu.: (+34) 985 49 11 57
Corréu: cultura@aytolena.es
Baxar bases: Bases LIX Premiu Internacional Cuentos Lena / Ḷḷena

#CulturaḶḷena #Ḷḷenadestíncultural #CuentosḶḷena #ConciyuḶḷena #Asturies