El Conciyu de Lena, dende l'área de Mocedá, pon en marcha un programa gratuitu de 'Respiru familiar' pa les vacaciones escolares de Selmana Santa, que se va desenvolver nel patiu de la escuela Sagrada Familia-El Pilar con toles midíes sanitaries contra la covid 19.

L'actividá, col títulu 'Diviértete en Lena', ta dirixida a distintos grupos d'edá: de 3 a 6 años; de 7 a 10, y mayores de 10 años. En total sedrán 90 places, de les que 45 sedrán n'horariu de mañana (de 11,00 a 14,00 hores) y les 45 restantes n'horariu de 16,00 a 19,00 hores.

Toles actividaes que s'organicen dende'l 27 de marzo hasta'l 3 d'abril tarán dirixíes polos participantes nel cursu de monitores de tiempu llibre, que s'organizó dende Juvelena fai dellos meses cofinanciáu pol Plan Municipal de Drogues.

La conceyala responsable del área, Natalia Ahilagas, explicó qu'esti programa ¿permitirá a les families del conciyu conciliar la vida familiar y llaboral nestes próximes vacaciones escolares, al tiempu que permite a los nenos y nenes de L.lena tener un ratu de xuegos entreteníu y controláu nel cumplimientu de les midíes sanitaries¿.  

Hoja de inscripción

Protocolu anticovid