La Llei d'Ordenación Integral del Territoriu d'Asturies (LOITA) que ta redactando'l Gobiernu del Principáu d'Asturies dende la Dirección Xeneral d'Ordenación del Territoriu y Urbanismu, en collaboración cola Universidá d'Uviéu, ta inmersa nun procesu de participación ciudadana. 

Nesi marcu, tán promoviendo delles iniciatives, ente elles encuestes pa recabar delles opiniones. Depués la gran participación nuna encuesta de corte técnicu, púnxose en marcha un formulariu nuevu, con cuestiones más xenerales relacionaes cola ordenación del territoriu, y abiertu a tola ciudadanía. 

Pues facenos llegar la to opinión respondiendo a les cuestiones plantegaes nesta encuesta. Solo lleva unos minutos responder y la información va ser de gran utilidá pa la ellaboración de la futura llei. El plazu pa responder a la encuesta remata'l 26 de noviembre.
 

Enllace a la encuesta: https://forms.office.com/r/QX7y4WEsJx