L.LENA PINTA POLA IGUALDÁ - ayto-lena
CONVOCÁU'L IV CONCURSU PINTURA L.LENA PINTA POLA IGUALDÁ
El Conciyu convoca una edición nueva del concursu L.lena pinta pola Igualdá
La conceyalía de Bienestar Social, Mocedá y Muyer del Conciyu L.lena pon en marcha una convocatoria nueva del concursu L.lena pinta pola Igualdá', dirixíu a promover la igualdá d'oportunidaes ente muyeres y homes. La obra ganadora sedrá la imaxe del cartel conmemorativu del día 8 de marzo.
Nesta cuarta edición, igual que pasó na pasada, podrán participar toles persones mayores de 16 años del conciyu, nacíes o empadronaes en L.lena. Nes dos primeres convocatories les y los autores debían ser mayores d'edá.
Les obres han ser inédites y orixinales con una dimensión máxima de 50 por 70 centímetros. Tanto la técnica como'l soporte son llibres y solo se va admitir una obra por participante. La conceyala responsable del área, Natalia Ahilagas, explicó que anque la técnica y el soporte son llibres, a los participantes nun-yos tien que caer embaxo que se trata d'una obra que va dir nun cartel.
El plazu d'admisión de les obres d'esti concursu, que tien como tema 'Muyer y igualdá', remata'l 19 de febrero. El fallu del xuráu ye inapelable y la entrega del premiu a la obra ganadora, dotáu con 300 euros, va facese alredor del 8 de marzo nel teatru Vital Aza dientro del programa d'actos de la conmemoración del Día Internacional de la Muyer, anque nesta edición ta too supeditao a la evolución de la pandemia.