LENA DESTÍN CAMINOS (Chanos- Campumanes) - ayto-lena
Ruta ḶḶENA DESTÍN CAMINOS (Chanos- Campumanes)
El sábadu próximu 7 d'agosto, organízase una marcha a pie dende Chanos a Campumanes, enmarcada dientro del proyectu xeneral llamáu ḶḶENA DESTÍN CAMINOS, diseñáu conxuntamente poles Conceyalíes de Deportes y Turismu del Conciyu de Ḷḷena.
El proyectu tien como obxetivu prioritariu la recuperación, señalización, promoción y, por supuestu, caltenimientu, de dellos tramos o caminos vinculaos a la nuestra historia, en particular col Camín de San Salvador.
Este tramu altravesará Munistiriu, de Chanos, un enclave asitiáu a 772 m. con tradición monacal que pudo dar auxiliu y posada al pelegrín en dómina medieval, y del que queden dellos restos na actualidá.
Recuperaremos fuerces en Fresneo, con un avituallamientu con productos de la época, y cubriremos el restu del percorríu hasta Campumanes pel monte y pasando per otros pueblos con muncha historia.
De too ello van dir informándonos y documentando Xulio Concepción y David Ordóñez (Asociación Vindonnus).