El  Serviciu de Normalización Llingüística presentó ayer, 21 de febrero, por cuenta de la celebración del Día de la Llingua Materna, los materiales de la campaña "Xuegu del cuerpu humanu" na Escuela Infantil "El Nial".

Como se vien faciendo dende fai años, la Escuela de 0-3 centra los actos de celebración d'esti día con campañes dirixíes al alumnáu del centru col obxetivu d'averar la llingua asturiana a lo más pequeno del conciyu. Nesta ocasión fízose cola entrega de la última parte del xuegu del cuirpu humanu, que ye continuación de los que se repartieron otros años dedicaos al vocabulariu de la cara. La variante llingüística de Ḷḷena ye la protagonista porque según palabres del conceyal de Política Llingüística, David Suárez "la intención ye que los nenos y nenes de Ḷḷena sientan que la escuela ye parte de la so realidá más cercana por eso se buscaron les formes de la variante propia del conciyu. Promovela y reforzala ye un valor pal Conciyu Ḷḷena".

Calqueñu, canieḷḷa, pierna, cadril son delles de les palabres qu'esti añu van aprender y reforzar. Pa ello ye clave'l trabayu de la dirección del centru y de les educadores que son les tresmisores del vocabulariu na escuela. El Nial, valora l'actividá de manera mui positiva, pol carácter manipulativu y visual de los materiales amás del llingüísticu y siempre ofrez esi espaciu p'acoyer iniciatives del Serviciu de Normalización Llingüística que de xuru van siguir collaborando.