El día 15 de marzo del 2023 l'Institutu pa la Transición Xusta publica la Convocatoria a Pequenos Proyectos d'inversión que xeneren o caltengan emplegu.

Obxetivu: promover la llocalización de pequenos proyectos d'inversión empresarial nes zones afectaes pol cierre d'explotaciones de carbón, de centrales térmiques de carbón y centrales nucleares como tamién de la contorna, col fin últimu de xenerar actividaes económiques alternatives neses zones, cola consiguiente creación de puestos de trabajo nuevos o caltenimientu de los yá esistentes pa incentivar el desenvolvimientu d'estes zones, considerando la so condición de rexones desfavorecíes.

Ámbitu d'aplicación:  Van poder ser obxetu d'ayuda los proyectos d'inversión empresarial xeneradores d'emplegu que se llocalicen nos conceyos de dalguna de les zones de transición xusta que figuren nos Protocolos Xenerales d'Actuación pal diseñu de los Convenios de Transición Xusta. Nel casu d'Asturies, los conceyos que puen escoyese son los siguientes:

CTJ Valle del Caudal y Aboñu: Ayer, Carreño, Corvera d'Asturies, Xixón, Gozón, Ḷḷena, Llanera, Mieres, Morcín, Quirós, Ribera de Arriba/La Ribera, Riosa, Teberga y Villaviciosa.

CTJ Valle del Nalón: Bimenes, Casu, Llangréu, Llaviana, Piloña, Samartín del Rei Aurelio y Sobrescobiu.

CTJ Suroccidente: Ayande, Cangas del Narcea, Degaña, Ibias, Salas y Tinéu.

Plazu de presentación de solicitúes: va permanecer abierto 2 meses a contar dende'l xueves 16 de marzo del 2023.

Documentos

• Bases ayudas pequeños proyectos de inversión que generen o mantengan el empleo.
• Convocatoria ayudas pequeños proyectos de inversión que generen o mantengan el empleo.