not: Abierto el plazo de solicitud de las Ayudas a empresas en municipios de Transición Justa. - ayto-lena
Abierto'l plazu de solicitú de les Ayudes a empreses en conceyos de Transición Xusta.
El día 8 de marzo del 2023 l'Institutu pa la transición xusta publica la Convocatoria d'Ayudes dirixíes a proyectos empresariales xeneradores d'emplegu, que promuevan el desenvolvimientu alternativu de les zones de transición xusta.
Obxetivu: promover proyectos d'inversión empresarial nes zones afectaes pol cierre d'esplotaciones de carbón, de centrales térmiques de carbón y centrales nucleares, como tamién de la contorna, col fin últimu de xenerar actividaes económiques alternatives neses zones, cola consiguiente xeneración de puestos de trabayu nuevos y el caltenimientu de los yá esistentes pa incentivar el desenvolvimientu d'estes zones, considerando la condición de rexones desfavorecíes.
Ámbitu d'aplicación: Van poder ser obxetu d'ayuda los proyectos d'inversión empresarial xeneradores d'emplegu que se llocalicen nos conceyos de dalguna de les zones de transición xusta que figuren nos Protocolos Xenerales d'Actuación pal diseñu de los Convenios de Transición Xusta. Nel casu d'Asturies, los conceyos que van poder escoyese son los siguientes:
CTJ Valle del Caudal y Aboñu: Ayer, Carreño, Corvera d'Asturies, Xixón, Gozón, Ḷḷena, Llanera, Mieres, Morcín, Quirós, Ribera de Arriba/La Ribera, Riosa, Teberga y Villaviciosa.
CTJ Valle del Nalón: Bimenes, Casu, Llangréu, Llaviana, Piloña, Samartín del Rei Aurelio y Sobrescobiu.
CTJ Suroccidente: Ayande, Cangas del Narcea, Degaña, Ibias, Salas y Tinéu.
Plazu de presentación de solicitúes: va permanecer abierto 2 meses a contar dende'l miércoles 8 de marzo del 2023.
Van poder solicitase les ayudas mentaes de manera electrónica, na páxina Procedimientos en Línea del Institutu pa la Transición Xusta.