El pasáu llunes 24 de xuneto del 2023 refrendóse por unanimidá del Plenu del Conciyu de Ḷḷena, el II Plan d'Infancia y Adolescencia que yá s'aprobara pol Plenu del Conseyu d'Infancia y Adolescencia de Ḷḷena na sesión del 20 d'abril del 2023. 

El II Plan d'Infancia y Adolescencia de Ḷḷena, qu'axunta'l periodu del 2023 a 2029 por decisión de los integrantes del Plenu del Conseyu, recueye toles acciones que se pretenden poner en marcha pa facer del conceyu de Ḷḷena un sitiu lo más adecuáu posible pal desenvolvimientu de la Infancia y l'Adolescencia, onde se garantice'l respetu de los derechos y se faga posible la participación nos asuntos que-yos afecten.

Los principios básicos nos que se basa esti II P.I.A. son l'interés superior de los ninos, nenes y adolescentes, la igualdá y la equidá social, el trabayu conxuntu y coordináu, la participación de toles persones y l'enfoque de los Oxetivos de Desarrollu Sostenible y de l'Axenda 2030.

Tolo que se faga dientro del Plan ha cumplir los criterios de coordinación, de prevención, de promoción de los derechos de la Infancia, y ha ser adcuáu pa les persones a les que se dirixa. De la mesma manera, siempre que sea posible, va facilitase la participación de persones de toles edaes nes actividaes del Plan, lo que va ser beneficioso pa toes.

A propuesta del Grupu de Participación Infantil y Adolescente de Ḷḷena y col apoyu de les persones adultes que formen parte del Conseyu d'Infancia y Adolescencia, el documentu del P.I.A. utiliza un llinguaxe claro, pa que cualquier persona pueda entendelu y utilizalu. Pa la edición tanto física como dixital optóse por una versión especialmente amigable cola Infancia y l'Adolescencia, con ilustraciones adaptaes a la so edá, con un diseñu colorista, alegre y vivu.

El documentu del II Plan d'Infancia y Adolescencia de Ḷḷena pue vese tanto na versión en castellano como n'asturiano, nos enllaces siguientes :

Versión castellanu

Versión asturianu

Cualquier persona que quiera facer dalgún comentariu, suxerencia o propuesta en relación al II P.I.A. de Ḷḷena, pue facelo na "OPINA" que ta nel apartáu del Plan d'Infancia y Adolescencia de Ḷḷena nesti enllace de la web del Conciyu de Ḷḷena: https://www.aytolena.es/propuestas-PIA