Not: Asfaltado barrio llencia - ayto-lena
El Consistoriu destina 18.000 euros pal asfaltáu del barriu de L.lencia
El Conciyu L.lena sigue alantre col plan d'obres pa la meyora de les zones rurales y los barrios de la capital. L'alcalde, Ramón Argüelles, anunció ayer que se van destinar 18.000 euros pa la meyora del barriu de L.lencia. L'actuación inclúi una meyora na rede de saniamientu y tamién una renovación del pisu, dos obres mui reclamaes polos vecinos.
La vicealcaldesa, Gema Álvarez, explicó que "hai un problema con una tubería de la rede d'agües". Esta parte de l'actuación, según los responsables municipales, va tar abanderada pola empresa Aqualia: "Los vecinos quieren acabar coles fugues que se producen cuando aumenta'l nivel del agua por lluvies", señalaron. La reforma del pisu va ser responsabilidá del Conciyu. Según Álvarez, "somos conscientes de que necesitaba una renovación y asina lo ficimos saber a los vecinos. Agora que podemos, vamos acometer esta actuación y siguir trabayando al ritmu que dicen les arques dle Conciyu".
Nun ye l'único plan d'obres que ta en marcha. Na zona rural, la conceyalía que dirixe Jesús Fernández, alcontró una fórmula de siguir meyorando los pueblos a pesar de la crisis: l'ária d'Obres cede'l material y la maquinaria a los vecinos, que s'encarguen de la mano d'obra con sestaferies pa que sea más barato.