NOT: Ayudas a asociaciones de comerciantes - ayto-lena
Ayudes a asociaciones de comerciantes
Convocatoria pública pa la concesión de subvenciones a les asociaciones de comerciantes pa proyectos de promoción comercial. Extractu de la Resolución de 14 de marzo del 2022, de la Conseyería d'Industria, Empléu y Promoción Económica (BOPA núm. 56 de 22/03/2022)
Beneficiaries: Podrán obtener la condición de beneficiaries de les subvenciones regulaes nes presentes bases reguladores les asociaciones de comerciantes, les asociaciones mixtes (comerciantes y otru tipu de profesionales) constituíes mayoritariamente por socios comerciantes y les agrupaciones, uniones o federaciones de les mesmes, ensin ánimo de lucro, llegalmente constituíes y inscrites nel rexistru correspondiente que desenvuelvan l'actividá dientro del territoriu de la Comunidá Autónoma del Principáu d'Asturies y que s'inscribieran nel rexistru correspondiente polo menos dos años primero a la fecha de presentación de la solicitú de subvención.
Tamién, podrán beneficiase d'estes ayudes les Cámares Oficiales de Comerciu, Industria, Servicios y Navegación d'Avilés, Xixón y Uviéu.
Obxetu: Actuaciones de dinamización comercial y de dixitalización nel sector comercial.
Plazu de presentación de solicitúes 15 díes hábiles dende la publicación de la convocatoria.
Consultar l'extractu de la resolución nesti enllace: https://sede.asturias.es/bopa/2022/03/22/2022-01885.pdf
Convocatoria pública pa la concesión de subvenciones a les asociaciones y agrupaciones de comerciantes pa Planes Estratéxicos de Comerciu. Extractu de la Resolución de 14 de marzo del 2022, de la Conseyería d'Industria, Empléu y Promoción Económica (BOPA núm. 56 de 22/03/2022)
Beneficiaries: Les asociaciones de comerciantes, les asociaciones de comerciantes mixtes (comerciu, turismu y servicios) y les agrupaciones o uniones d'asociaciones de les mesmes, ensin ánimo de lucro, llegalmente constituíes y que la inscripción nel rexistru correspondiente tenga una antigüedá de dos años inmediatamente anteriores a la fecha de la convocatoria, que desenvulevan l'actividá nel Principáu d'Asturies y qu'actúen en conceyos onde tean implantaos Planes Estratéxicos de Comerciu o de Comerciu y Turismu.
Obxetu: Consideraránse susceptibles d'ayudes les actuaciones que promuevan la dinamización comercial y dixital nel sector comerciu al por menor, como tamién l'apoyu al texíu asociativu.
Plazu de realización de les actuaciones: La realización de les actuaciones obxetu de subvención ha comprendese ente'l 1 d'octubre del 2021 y el 30 de setiembre del 2022.
Plazu de presentación de solicitúes: El plazu de presentación de solicitúes va ser de 15 díes hábiles, a contar dende'l día siguiente al de la publicación d'esti extractu nel Boletín Oficial del Principáu d'Asturies
Consultar l'Extractu de la Resolución nesti enllace: https://sede.asturias.es/bopa/2022/03/22/2022-01903.pdf