Publícase la convocatoria 2024 de concesión de subvenciones destinaes a la meyora de la competitividá, innovación y dixitalización del pequeñu y medianu comerciu del Principáu d'Asturies (BOPA de 26 de febreru del 2024.)

FINALIDÁ

Apoyar les actuaciones de modernización del comerciu rural del Principáu d'Asturies, cola incorporación d'elementos físicos y funcionales que meyoren el potencial de mercáu y faciliten una xestión más competitiva.

MODALIDÁ

Subvención a fondu perdíu.

ACCIONES SUBVENCIONABLES

La realización de les actuaciones ha tar comprendida ente'l día 16 de setiembre del 2023 y el 15 de setiembre del 2024. Les inversiones han tar remataes y ser operatives al términu d'esti plazu.

Van ser subvencionables les inversiones y gastos que cumplan los siguientes requisitos:

1. Que se fagan n'establecimientos comerciales allugaos n'Asturies, en núcleos de población de menos de 1.000 habitantes.
2. L'establecimientu comercial oxetu de la inversión:
   1. Nun va poder superar los 200 m2 de superficie d'esposición y venta al públicu na zona dedicada esclusivamente a la tienda.
   2. Ha tener una zona dedicada esclusivamente a la tienda, separada de les árees del local dedicaes a otres actividaes como chigre, restauranes, carnicería, etc.
   3. Va tener horarios mui amplios a lo llargo del añu.
   4. Ha presentar una oferta de productos y servicios fecha con criterios actualizaos del merchandising, incluyendo les acciones de comunicación (publicidá, animaciones y promociones) nel puntu de venta.
3. El proyectu ha destinase a les dos llinies.
4. Nun van poder subvencionase actuaciones cuando quien venda los activos o dea l'actividá fuera la persona adquiriente o se diera un supuestu análogu del que pudiera derivase autofacturación.
5. L'IVA nun va considerase como gastu subvencionable en nengún casu.

6. L'adquisición d'activos cola financiación por arrendamientu nun va subvencionase.

CONCEPTOS SUBVENCIONABLES

LLINIA 1. Renovación de la imaxe del establecimientu comercial tanto interna como esterna, nes zones destinaes esclusivamente a la tienda y, dientro de la mesma, a la venta y esposición

• La inversión mínima de l'actuación va ser de 9.000 euros y nun va poder superar los 200.000 euros.
• Considérense subvencionables los siguientes conceptos:
• Obres d'albañilería, carpintería y pintura. Puertes y ventanes.
• Instalación de suelos y revestimientos en techos y paredes.
• Remodelación y reforma de la fachada del establecimientu.
• Instalaciones eléctriques.
• Estudios y proyectos de reforma y adecuación.
• Aire acondicionao y calefacción.
• Mobiliariu destináu a la presentación de los productos al cliente: escaparates, mostradores, paneles, estanteríes, vitrines y isles espositores (incluíes les refrixeraes), tarimes, percheros, etc., siempre que s'atopen na zona d'esposición y venta al públicu.
• Rótulos, toldos y marquesines esteriores.
• Alarmes y sistemes de seguridá (Cuantía máxima: 6.000  euros)

Son conceptos escluíos:

• Permisos, llicencies y cuotes de colexos oficiales o cualquier otru tributu o impuestu.
• Muebles y artículos d'esposición y prueba susceptibles de posterior venta al públicu.
• Alquileres y derechos de traspasos.
• Adquisición de bienes usaos.
• Reparaciones que nun impliquen una renovación clara y directa de la imaxe del establecimientu.

LLINIA 2. Incorporación de nueves tecnoloxíes y innovación: Son actuaciones subvencionables nesta llinia l'adquisición d'equipamientu y aplicaciones informátiques de xestión del establecimientu comercial (actividaes relacionas esclusivamente cola tienda) como tamién la creación y implantación de páxines web destinaes a la promoción y al comerciu electrónicu. Inclúinse la implantación de redes informátiques o modificación y ampliación de les esistentes.

El gastu mínimu por estos conceptos ye de 1.200 euros.

Considérense subvencionables los siguientes conceptos:

1. Equipamientu y aplicaciones de xestión del establecimientu comercial:

   1. Adquisición de terminales de puntu de venta, llectores de códigos de barres, llectores de bandes magnétiques y impresores de tickets.

2. Creación y implantación de páxines Web si los conteníos versen esclusivamente sobre l'actividá comercial desenvuelta nel Principáu d'Asturies:
   1. Gastos de desenvolvimientu. Van ser subvencionables los gastos de desenvolvimientu de páxines Web que cumplan los requisitos mínimos de dalgunes de les modalidaes que siguen:
      1. Opción A. Páxina Web presencial.

      2. Opción B. Páxina Web dinámica.

      3. Opción C. Páxina Web dinámica con servicios de valor añadío destinaes al comerciu electrónicu.

   2. Gastos d'implantación. 

      1. Alta del dominiu.

      2. Alta y contratu d'agospiamientu del primer añu.

      3. Alta y mantenimientu, el primer añu, de cuentes de corréu electrónico asociaes al dominiu.

      4. Mantenimientu de la páxina Web del primer añu.

CUANTÍA

La cuantía va determinase por prorratéu ente beneficiaries, col máximu del 60% del valor de los conceptos subvencionables. En tou casu, nenguna beneficiaria va poder obtener una subvención superior a cincuenta mil euros (50.000 euros), nin perpasar el porcentaxe mentáu del 60%.

BENEFICIARIES

Persones físiques o xurídiques, sociedaes civiles y comunidaes de bienes llegalmente constituíes, que tengan la consideración de pymes comerciales rurales, dientro del ámbitu territorial del Principáu d'Asturies y que cumplan los requisitos siguientes.

• Axuntar los requisitos de PYME según lo establecío na Recomendación de la Comisión Europea 2003/361/CE, sobre definición de microempreses, pequeñes y medianes empreses.
• Siempre que nun tean escluíes según la normativa vixente, les persones físiques o xurídiques solicitantes de la subvención han tar inscrites nel Rexistru d'Empreses y Actividaes Comerciales (REAC) o tener solicitada la inscripción a fecha de solicitú de la subvención y reunir los requisitos necesarios pa la mesma. 
• Que se trate d'establecimientos minoristes destinaos a la venta de toa clase d'artículos al por menor, fundamentalmente d'alimentación, droguería y productos pal turista. A fecha de la solicitú de subvención, l'actividá comercial ha tar incluida en dalguna de les agrupaciones o epígrafes correspondientes a la clasificación del Impuestu d'Actividaes Económiques (IAE) que se relacionen a continuación:

  • 641, 642, 643, 644, 645, 647.1, 647.2, 647.3, 651, 652.2, 652.3, 652.4, 653, 657, 659.2, 659.3, 659.4, 659.5, 659.6, 659.7 y 662.2.

  • Queden escluíes les demás divisiones del IAE.

  • En casu de que la empresa tea d'alta en dos o más epígrafes del IAE, va considerásela beneficiaria siempre que l'actividá principal desenvuleta nel establecimientu comercial oxetu de subvención tas incluida dientro de les agrupaciones subvencionables y les actuaciones feches correspuendan a esta actividá. Va considerase como actividá principal aquella que comporte una mayor facturación. Si nun ye posible la determinación d'esti puntu, va atendese a la superficie destinada a cada actividá

• La persona titular de l'actividad, o el local comercial en que se desenvuelva la mesma, ha tener, polo menos, tres años d'antigüedá nel exerciciu de dalguna actividá comercial subvencionable desenvuelta nel Principáu d'Asturies. Esa antigüedá tien de tar comprendida dientro de los últimos diez años anteriores a la fecha en que remata'l plazu de presentación de la solicitú y la persona titular tien de siguir dada d'alta primero de que remate esi plazu.

• Que tengan disposición a incorporase a la Rede de Comercios Rurales Asturianos, col compromisu corrrespondiente.

• Que tengan disposición de recibir formación y l'asesoramientu personalizáu en materia de merchandising, xestión informatizada y atención al cliente cola Cámara de Comerciu, Industria y Navegación correspondiente a la so xurisdicción y tengan disposición a asumir una parte de la inversión económica presupuestada nel Plan de Meyora. 

PLAZU DE PRESENTACIÓN

El plazu de presentación de solicitúes remata'l 15 d'abril del 2024.

Documentación relacionada:

01. Solicitú

02. Bases consolidaes de la convocatoria

03. Resolución de la convocatoria

Pa más información puede consultar equí.