Finalidá

Estes ayudes tienen por obxetu favorecer la creación y caltenimientu del empléu cola concesión d'una cuantía fixa a les persones beneficiaries que presenten proyectos, tanto de creación como de consolidación empresarial, con viabilidá previamente obxetu d'estudiu y posteriormente acompañaes y guiaes en tol procesu por equipos técnicos especializaos de los centros d'empreses públicos integrantes de la rede ACEPPA o pola Fundación pal Fomentu de la Economía Social (FFES)

Modalidá

Subvención a fondu perdíu. El procedimientu de concesión d'estes ayudes va ser el de concurrencia non competitiva.

Les solicitúes va resolvese per orde de presentación.

Estes subvenciones sométense al réxime de mínimos siéndo-yos d'aplicación lo establecío nel Reglamentu (UE) 1407/2013 de la Comisión, de 18 de diciembre del 2013 (DOUE de 24/12/2013) En consecuencia, les beneficiaries nun van poder obtener ayudes acoyíes a esti mesmu réxime  cuyo importe acumuláu supere los 200.000 euros, nel exercicio fiscal en cuestión, como nos dos exercicios fiscales anteriores, límite que se reduz a 100.000 euros pa les empreses qu'operen nel sector del tresporte de mercancíes per carretera

Requisitos

1. Pa los proyectos de creación nueva :

a) Les persones autónomes han causar alta nel Réximen Especial de Trabayadores por Cuenta Propia o Autónomos o nel Réxime Especial de Trabayadores del Mar, nel periodu comprendíu ente'l 1 de setiembre del 2021 y el 31 d'agosto del 2022.

b) Nun tener exercida la mesma actividá como persona autónoma o por cuenta propia nos seis meses inmediatamente anteriores al alta nel correspondiente réxime de la Seguridá Social. A estos efectos comprobaráse na vida llaboral la coincidencia del códigu de la Clasificación Nacional d'Actividaes Económiques (CNAE) nos tres primeros díxitos de les actividaes económiques declaraes.

c) Les persones xurídiques, comunidá de bienes y sociedaes civiles tienen de causar alta nel IAE ente l'1 de setiembre del 2021 y el 31 d'agosto del 2022.

d) Informe de cierre del proyectu empresarial, emitíu con anterioridá a la presentación de la solicitú, pela plataforma CREA por un Centru d'Empresa Públicu que forme parte de l'Asociación de Centros de Empresas Públicos del Principado de Asturias (ACEPPA) o pola Fundación pal Fomentu de la Economía Social (FFES).

e) Alta del proyectu na plataforma CREA, con anterioridá al entamu de l'actividá.

2. Pa los proyectos de consolidación

Entendiendo por consolidación los proyectos presentaos poles persones autónomes y xurídiques que tengan por obxeto afitar l'actividá, pa lo que precisen d'un asesoramientu con un Diagnósticu de la situación: Análisis de los distintos apartaos del plan (mercáu, redes sociales, competencia, análisis de rentabilidá del modelu de negociu) pela  plataforma CREA.

a) Llevar exerciendo l'actividá, nel casu de les persones autónomes nel réxime correspondiente d'alta nel RETA y nel casu de les persones xurídiques, comunidaes bienes, sociedaes civiles alta nel IAE, per un mínimo de seis meses con anterioridá al 18 de xinero del 2022.

b) Informe de cierre del proyectu empresarial, emitíu con anterioridá a la presentación de la solicitú, pela plataforma CREA por un Centro d'Empresa Públicu que forme parte de l'Asociación de Centros de Empresas Públicos del Principado de Asturias (ACEPPA) o pola Fundación para el Fomento de la Economía Social (FFES)

Cuantía

La cuantía de la subvención va ser un importe fixu de 4.000 por beneficiaria.

L'ayuda que se reciba pol iniciu d'actividá o por consolidación resulten incompatibles ente sí.

Beneficiaries

Podrán ser beneficiaries d'estes ayudes les persones autónomes y microempreses que reúnan los requisitos mencionaos

Nun van poder tener la condición de beneficiaries les persones trabayadores por cuenta propia o autónomes en calidá de familiares collaboradores del titular de la explotación, nin les que formen parte d'una comunidad de bienes, sociedá civil, como  tampoco les que sean socies o miembros d'órganos d'entidaes con personalidá xurídica (sociedaes de capital, sociedaes cooperatives, sociedades civiles, etc.).

Plazu de presentación

El plazu de presentación de solicitúes remata'l 31/08/2022. Pue cerrarse primero si s'agota'l créditu.

Pa más información pues consultar les Bases reguladores y la convocatoria:

• Bases reguladores y convocatoria
• Extractu convocatoria