Por cuenta de la celebración del Día Mundial ensin Tabacu, el 31 de mayo, los Planes Municipales sobre Drogues y Promoción de la Salú d'Uviéu, Cinco Villas, L.lena, Castrillón y Grau, col apoyu de la Conseyería de Salú del Principáu d'Asturies, siguen cola campaña de sensibilización y información: Que nun te vendan fumo, empecipiada'l pasáu añu.

La campaña diríxese especialmente a les families y adolescentes, pa concienciar sobre'l problema del tabaquismu y cómo se pue prevenir. Pa ello se diseñaron una serie de materiales audiovisuales, que se publicarán en redes sociales y nel blog #Quenotevendanhumos. 

Amás, contaráse cola collaboración de los centros escolares y asociaciones de madres y padres.