not: Conexiones móviles más veloces y mejor cobertura llegan a Lena con los despliegues 4G y 5G - ayto-lena
Conexones móviles más veloces y meyor cobertura lleguen a Ḷḷena colos despliegues 4G y 5G
- Les operadores de telefonía móvil empiecen a ofrecer en Ḷḷena servicios móviles de nueva xeneración, 4G y 5G, nes bandes de 700 y 800MHz.
- La nueva tecnoloxía permitirá a ll xente de Ḷḷena disfrutar de servicios de datos móviles d'alta velocidá, meyorará la cobertura nel interior d'edificios y ampliará la extensión xeográfica.
- Llega700 ye la entidá encargada de garantizar la compatibilidá d'esti serviciu cola TDT.
Lena, 29 de Agosto de 2022.- Les operadores de telefonía móvil, Telefónica, Vodafone y Orange, anunciaron que nes próximes selmanes van facer en Ḷḷena'l procesu d'implantación de los servicios de telefonía móvil de nueva xeneración, 4G y 5G, sobre les bandes de 800 y 700 MHz, respectivamente, lo que permitirá a la xente de Ḷḷena a disfrutar de conexones móviles d'alta velocidá con una meyor cobertura nel interior de los edificios y mayor extensión xeográfica.
Pa garantizar la compatibilidá de la nueva tecnoloxía cola televisión dixital terrestre (TDT), Llega700 ye la entidá puesta en marcha polos operadores pa solucionar cualquier afectación na recepción de la señal de televisión.
El procesu d'implantación ta faciendose adulces per tola xeografía nacional. Pa comprobar los llugares onde yá tán activos estos servicios puede consultase l'enllaz siguiente: https://www.llega700.es/contacto_mapa.php
El despliegue enmárcase no establecío nel Real Decretu 579/2019, de 11 d'octubre, a partir del que se procedió a la lliberación de les frecuencies ente 694 y 790 MHz (canales 49 al 60 d'UHF) qu'hasta entós utilizábense pa la recepción de la Televisión Dixital Terrestre, procesu tamién conocíu como Segundu Dividendu Dixital. A partir d'entós, eses frecuencies asignáronse a les operadores de telefonía móvil pa dar servicios de telefonía móvil de nueva xeneración.
Principales ventaxes: más y meyor cobertura
Cola nueva rede móvil ábrióse la puerta a servicios y aplicaciones innovadores , amás de proporcionar meyores significatives tanto na velocidá de descarga, como d'envíu de datos (fotos, música o conteníos audiovisuales d'alta definición) o permitir sacar el máximu partíu a aplicaciones online, como los videoxuegos.
La rede de telefonía móvil de nueva xeneración introduz dos meyores fundamentales. La primera ye la solvencia de los diversos problemes relacionaos con orografíes complicaes presentes na xeografía española onde tradicionalmente fallaba la cobertura. La segunda, ye la gran penetración en zones interiores de los edificios.
La nueva xeneración tamién facilita la introducción de nuevos servicios nel área empresarial y de les administraciones públiques, como aplicaciones empresariales en movilidá con altu conteníu multimedia o l'usu de la videollamada, ente otros.
Amás, la mayor cobertura qu'alcanza'l despliegue nes bandes de 700 y 800 MHz meyorará'l serviciu nel interior d'edificios y sedrá la banda que permita esparder xeográficamente'l serviciu de forma eficiente.
Garantizando la compatibilidá de la rede móvil de nueva xeneración y la TDT
Llega700 ye la entidá xestora encargada d'ofrecer los servicios que garantizarán la compatibilidá ente la puesta en marcha de la emisión móvil 4G y 5G nes bandes de 800 y 700 MHz, respectivamente, y la recepción del serviciu de TDT.
Pa garantizar esta compatibilidá, Llega700 ofrez a la ciudadanía una serie de servicios gratuitos qu'incluyen un procedimientu correctivu depués del encendíu de les estaciones, pol que llega700 encargaráse d'atender a quien tea afectao xestionando y resolviendo posibles afectaciones ensin coste nengún.
Pa xestionar estos servicios, punxéronse a disposición de la ciudadanía un teléfonu d'atención gratuitu (900 833 999) y una páxina web www.llega700.es
Más información:
