L@s adolescentes del Grupu de Participación de Ḷḷena crearon un xuegu enterteníu al que llamaron "TRILENA", que distribuyeron ente los centros escolares del conceyu de Ḷḷena pa usu tanto del profesoráu como del alumnáu de los mesmos.

El xuegu trata tres temátiques que pa l@s adolescentes de Ḷḷena son de gran actualidá y importancia y que son DERECHOS DE LA INFANCIA (tarxetes de color negru), IGUALDÁ (tarxetes de color moráu) y MEDIU AMBIENTE (tarxetes de color verde).

Ye un xuegu de mesa pa toles edaes con una mecánica de preguntes de respuesta múltiple, que te van permitir dir avanzando hasta completar el recorríu.

Si quies tener el to propiu xuegu "TRILENA" pa xugar cola familia y amig@s, namás vas tener qu'imprimir el tableru y les tarxetes, utilizar unes fiches de cualquier otru xuegu de mesa pa identificar a cada participante, y   ¡¡ A XUGAR !!

Sedría interesante saber la opinión de quien lo utilice, cómo lo pasaron y incluso que puedan proponer dalguna nueva pregunta (pa nueves preguntes hai dalgunes tarxetes en blanco dientro del material del xuegu). Toles opiniones, propuestes, etc. puen facese llegar al corréu electrónicu grupopia.lena@gmail.com o edusolena@aytolena.es

A continuación adxúntase l'archivu con tolo qu'hai qu'imprimir pa poder xugar:

TABLERu Y TARxETES TRILENA WEB

VIDEU EXPLICATIVU: https://youtu.be/wbGPbr19qEs