not: Feries 2023 - ayto-lena
Ḷḷena celebra Les Feries entre el 5 y el 16 d'octubre con música, deporte y actividaes culturales
Ḷḷena celebra les fiestes de Les Feries entre el 5 y el 16 d'octubre con una programación na que s'inclúi música, amás d'actividaes deportives y culturales dirixíes a toles edaes. El pregón d'esti añu, que va ser el 11 d'octubre, va ser a cargu del investigador Eduardo Fernández.
Esti añu va haber orquestes en dellos puntos del cascu urbanu, música na calle, pasacalles y actividaes pa lo más pequeno, con un espectáculu de circu y pintacares, amás del ferial gratuitu.
Les actividaes principien el 5 d'octubre cola presentación nel polideportivu d'El Masgaín de la temporada nueva del Club Basket Lena, que celebra'l 25 aniversariu. Esi mesmu día, na sala d'exposiciones 'Celso Granda', inauguraráse la muestra 'Cae la piel y queda el alma' de Miss Prosperity (Elena Menéndez).
Al otru día entama'l XVI Tornéu de Basket Lena, que va siguir a lo llargo de tol sábadu. Y a les 20:00 hores, nel Teatru Vital Aza El Horreo va poner n'escena la obra 'Porque lo digo yo'. El sábado 7 d'octubre nel entoldáu de la plaza, van facese les actuaciones de les corales Avilesina y Goizalde de Beriain, Pamplona.
El 8 d'octubre'l deporte va ocupar la mañana, con delles pruebes deportives de baloncestu, fútbol sala y ḥockey y a les 20:00 hores y dientro del programa DinamizArt¡, el teatru Vital Aza Piscore va ofrecer 'Concierto singular'.
El día 11 va arrancar oficialmente la fiesta, col pregón. Nesi actu, nel que van entregase los premios de los concursos de dibuxu y pintura de los carteles de Les Feries, va actuar la banda de gaites 'Güestia' y el Coro La Flor. Y a les 22:30 hores na escuela Vital Aza van amenizar la nuche les orquestes Kubo y el Grupo Assia.
El 12 d'octubre, a les 13:00 hores, el parque infantil va acoyer l'espectáculu de circu 'Punk Purry Malabang' de Circo en la Luna. Esi mesmu día tamién va entamar el tornéu de ḥockey 'Memorial Manuel Campos' nel colexu Sagrada Familia-El Pilar. Y a partir de les 20:00 hores na plaza Alfonso X van actuar el grupu Players y del Trío Fusión.
Esi vienres, dende les 10:00 hores el mercáu de ganáu acueye'l Concursu 'Puerta d'Asturies'; el Faru de Robleo dende les 17:00 a les 19:00 hores l'asociación cultural Thararea va tener pintacares y dende les 19:30 hores, y en dellos puntos del cascu urbanu, va haber música na calle. Pela nueche, y na plaza, verbenes a cargu de la orquesta La Resistencia y el Dúo Nuevo Día.
El día 14 escomencipia cola Feria de Ganáu d'El Rosario, con pasacalles a cargu de Güestia dende les 11:00 hores, y con Maxa na calle La Magicleta col magu Martín nel parque infantil. Teatru, música electrónica na escuale Jesús Neira, verbena a cargu de la orquesta Waykas y Dj Maxid y los fueos artificiales, completen les actividaes propuestes pa esi día. El domingo, pasacalles, exhibición de ximnasia rítmica, la Puya'l Ramu, música na calle, actividaes infantiles y verbena.
Les Feries d'esti añu rematen el llunes 16 d'octubre cola Xuntanza Popular que va celebrase nel patiu de la escuela Jesús Neira y que va amenizala David Payares. Sicasí, les actividaes van siguir el día 21 nel polideportivu col XIX Tornéu Nacional de Judu Puerta d'Asturies.
