El día 14 de marzo del 2023, a les 9:30 hores, va celebrase nel Centru d'Empreses del Caudal de Mieres una xornada informativa sobre la Convocatoria d'Ayudes d'apoyu a empreses en conceyos de Transición Xusta.

Nesta xornada, que va dala personal técnicu del Institutu pa la Transición Xusta del Ministeriu pa la Transición Ecolóxica y el Retu Demográficu, va analizase les principales característiques d'esta llinia d'ayudes de gran relevancia pa la comarca.

Les Ayudes d'apoyu a empreses en conceyos de Transición Xusta tienen como finalidá promover la localización de proyectos d'inversión nes zones afectaes pol cierre d'esplotaciones de carbón, de centrales térmiques de carbón y centrales nucleares col fin de xenerar actividaes económiques alternatives.

A estes ayudes, d'interés especial pa xente empresario y emprendedor de la nuestra comarca, van poder acceder les persones físiques y xurídiques, comunidaes de bienes o trabayadores autónomos/es que vayan llevar alantre proyectos d'inversión empresarial xeneradores d'emplegu  na comarca.

Plazu de presentación de solicitúes: va permanecer abiertu 2 meses a contar dende'l miércoles 8 de marzo del 2023.

• Bases
• Convocatoria
• Anexos

Pa más información consultar esti enllace.