El cascu urbanu de La Pola acoyerá los díes 2, 3 y 4 de xuneto un Mercáu Medieval que contará cola participación d'unos 30 expositores ente artesanía y alimentación, amás d'atracciones pa los más pequeños.

La empresa organizadora, 'Eragón Eventos', encargase de tol montaxe que dispondrá de toles midies hixénico-sanitaries necesaries. L'horariu d'esta actividá sedrá'l viernes dende les 18,00 hasta les 23,00 hores. El sábado y el domingo abrirá de les 11,00 a les 14,00 horas y de 18,00 a 23,00 hores.

Ente los puestos artesanos habrá venta de relós de maera, semilles, vidru, abalorios, amuletos y orfebrería, ente otros. Nel casu d'alimentación instalaránse puestos de venta de carambelos, chocolates, embutíos y pastes.

L'administración local collabora con esta iniciativa cola que se pretende dar alternatives d'ociu a vecinos y visitantes, yá que, por cuenta de la situación actual nun ye posible organizar la tradicional fiesta de 'El Corderu', y que sedría esi mesmu fin de selmana.