El Ḷḷena  Ḷḷena va celebrar el 24 de febreru que vien el tradicional Antroxo, que nesta edición caltién la cuantía en premios de los dos años pasaos, como tamién, el montante global a repartir ente los participantes asciende a 6.480 euros.

La conceyala de Festexos, Minerva Álvarez, pretende caltener esta celebración cola mesma cuantía pa que “atraiga al máximu númberu de vecinos, vecines y visitantes, y pa que sea multitudinariu, yá qu'amás ye'l caberu de la comarca”.

La conceyalía de Festexos establez varies categoríes: carroces y grupos, con premios de 1.200, 700 y 400 euros pa los tres primeros clasificaos; individual y parexes, con tres premios de 300, 200 y 100 euros, y charangues, con dos premios de 800 y 500 euros pal primer y segundu clasificáu, respectivamente. Pa infantiles y menores de 12 años tamién s'establecen tres premios que van ser de 100, 50 y 30 euros en vales pa gastar nos comercios de Ḷḷena. 

Amás de los anteriores van se entregase los premios “especiales locales” pa individual y parexa, de 300, 200 y 100 euros, y pa grupos de más de 15 componentes establécense tres premios de 900, 400 y 200 euros. 

El recorríu del desfile va ser l'habitual y av entamar a les 18,30 hores. La entrega premios va ser na plaza Alfonso X ‘El Sabiu’ n'acabando'l desfile.