not: Lena celebrará el antroxu el día 12 marzo con una mayor cuantía de los premios - ayto-lena
Lena celebra l'antroxu'l día 12 marzo con una mayor cuantía de los premios
El Conciyu de Ḷḷena va celebrar el próximu 12 de marzo, el tradicional Antroxu, que nesta edición cuenta con un incremento de dalgo más de 2.000€ (un 49 por ciento más) na cuantía de los premios a repartir ente los participantes, con un montante global de 6.480€.
La intención de la conceyala de Fiestes, Andrea Velarde, ye “potenciar esta celebración, que nun se pudo organizar l'añu pasáu por cuenta de la crisis sanitaria”. “Entendemos que nesta edición, y con toles midíes de seguridá, podremos celebrar un antroxu que pretendemos sea multitudinariu, yá qu'amás ye l'últimu de la comarca”.
La conceyalía de Fiestes establez varies categoríes: carroces y grupos, con premios de 1.200€, 700€ y 400€ pa los tres primeros clasificaos; individual y parexes, con tres premios de 300€, 200€ y 100€, y charangues, con dos premios de 800€ y 500€ pal primer y segundu clasificáu, respectivamente. Pa infantiles y menores de 12 años tamién s'establecen tres premios que son de 100€, 50€ y 30€ en vales pa gastar nos comercios de Ḷḷena.
Amás de los anteriores van entregase los premios “especiales locales” pa individual y parexa, de 300€, 200€ y 100€ , y pa grupos de más de 15 componentes establécense tres premios de 900€, 400€ y 200€.
El desfile espera contar cola participación de les escueles y asociaciones del conceyu, que yá tán trabayando nel diseñu de los disfraces colos que van a participar. El recorríu previstu va ser l'habitual.