Not: Mina julita - ayto-lena
Mina Julita sacará carbón a principios del próximo veranu
Los mineros podrán volver a sacar carbón en L.lena a entamos del veranu que vien. Polo menos esa ye la previsión que l'Alcalde de L.lena, Ramón Argüelles, punxo ayer sobre la mesa en dándose'l preste al estudiu d'implantación de mina Julita, que deberá tar espuestu al públicu los próximos dos meses.
El Boletín Oficial del Principáu d'Asturies (BOPA), publicaba ayer l'anunciu de l'aprobación inicial del estudiu d'implantación de la explotación minera en L.lena. Argüelles explicó qu'esti pasu supón un avance na tramitación de les llicencies pertinentes. "Al nun tar contemplada l'actividá minera nel Plan Xeneral d'Ordenación Urbana del conceyu, yera necesario que se presentase un estudiu d'implantación, que yá tien el preste del Principáu", indicó'l rexior, que tamién comentó que "en pasando esti periodu d'alegaciones de dos meses, y se resuelvan les que se presenten, podremos entamar cola última fase alministrativa que sedría la concesión de la llicencia d'actividá".
Colos plazos que manexa'l rexior de L.lena, l'obxetivu es que la mina Julita empiece a dar carbón a entamos del veranu que vien. "Ye posible que pueda tar pa finales de la primavera, pero lo más seguro ye que yá nel veranu, los promotores del proyectu tengan na mano toles autorizaciones pa poner en marcha'l proyectu", explicó l'alcalde, qu'indicó que la explotación "ye una gran noticia pa L.lena, yá que recuperarémos una actividá mui necesaria como la minería".
El BOPA tamién recoyía na edición d'ayer l'aprobación inicial de la modificación del plan parcial pal polígonu de Vil.layana, documentu necesariu pa poder afrontar les obres d'urbanización del ária industrial. Nesti casu, el documentu va tar expuestu al públicu un mes, periodu nel que podrán presentase alegaciones. En superando'l trámite, podrá pasase a l'aprobación definitiva del nuevu plan parcial.
Ramón Argüelles recordó que magar que nun se pueda rematar la tramitación alministrativa, el Conciyu nun tien fondos pa urbanizar el polígonu. "Había más de 20 millones d'euros pa desenvolver el polígonu, apenes gastamos la mitá, y agora dannos dineru pa urbanizarlu, asina que tendremos que pelear por ello", aseguró l'alcalde. De la urbanización de Vil.layana ta mui pendiente Asturiana de Laminados, con un proyectu p'ampliar la factoría.