Estas en:

Asset Publisher

noticia_subvenciones_prtr

Subvenciones destinaes a la Tresformación Dixital y Modernización de les Alministraciones de les Entidaes Locales, nel marcu del Plan de Recuperación, Tresformación y Resilencia.


 

Por Orde TER/836/2022, de 29 d'agostu, aprobáronse les bases reguladores y fízose la convocatoria correspondiente al 2022 de subvenciones destinaes a la tresformación dixital y modernización de les alministraciones de les entidaes locales, nel marcu del Plan de Recuperación, Tresformación y Resiliencia (BOE 1 de setiembre del 2022).

Trátase d'una subvención en réxime non competitivu, na qu'a la Comunidá Uniprovincial del Principáu d'Asturies correspónden-y 2.069.195 euros, pa facer proyectos que tengan como destinatarios los conceyos menores de 20.000 habitantes del territoriu.

Estes actuaciones xestiónense pol Ministeriu de Política Territorial y vincúlense al Componente 11, Inversión 3 del “Plan de Recuperación, Tresformación y Resiliencia-Financiáu pola Unión Europea NextGenerationEU”, Mecanismu de Recuperación y Resiliencia, establecíu pol Reglamentu (UE) 2021/241 del Parlamentu Européu y del Conseyu, de 12 de febreru del 2021.

Nel marcu d'esta subvención identificáronse los proyectos siguientes :

Llinia estratéxica na que s'enmarquen los proyectos: INFRAESTRUCTURES DIXITALES

Actuación nº 1: Implantación de puestos de trabayu intelixentes pal personal de los Conceyos de menos de 20.000 habitantes

Provisión de puestos de trabayu de nueva xeneración con movilidá y ferramientes collaboratives que maximicen la productividá de los empleaos de los Conceyos y habiliten el so trabayu non presencial.

Provisión d'ordenadores portátiles. En concretu va contratase'l Suministru de material informáticu pa equipar un mínimu de 1.059 Puestos de Trabayu Intelixentes (PTI) nos conceyos de menos de 20.000 habitantes d'Asturies.

Actuación nº 2: Cambiu d'infraestructura nel Centru de procesu de datos (CPD) dende onde se dea serviciu a los Conceyos de menos de 20.000 habitantes.

Modernización de les infraestructures actuales col cambiu a infraestructures sostenibles, contemplando soluciones nueves qu'aporten mayor eficacia, eficiencia y seguridá. Meyora del CPD existente, renovando l'equipamientu tecnolóxicu.

 

 

En fecha 31/05/2023 la Dirección Xeneral de Cooperación Autonómica y Local del Ministeriu de Política Territorial dictó la Resolución de Concesión d'Ayudes pa Proyectos de modernización y dixitalización nel ámbitu de les alministraciones de les entidaes locales. A partir d'esti momentu, el Principáu d'Asturies pol Consorciu Asturianu de Servicios Tecnolóxicos entama los procedimientos pa la contratación de les inversiones previstes.

Esta información comunícase en cumplimientu les obligaciones d'información y publicidá que les autoridaes competentes establezan relatives a la financiación del Mecanismu de Recuperación y Resiliencia, too ello, de conformidá colo dispuesto nel artículu 9 de la Orde HFP/1030/2021, de 29 de setiembre.