El Gobiernu del Principáu activa una plataforma dixital pa recoyer proyectos qu'opten a la financiación del Mecanismu de Recuperación y Resiliencia.

El Gobiernu d'Asturies activó la plataforma dixital nueva, dependiente de la Oficina de Proyectos Europeos, que permitirá recoyer información de manera sistematizada sobre proyectos y iniciatives susceptibles de recibir financiación del Mecanismu de Recuperación y Resiliencia.

Esta ferramienta, que se configura como una canal de comunicación abierta a recibir toles propuestes de los diferentes sectores, ta disponible nel portal www.asturias.es, nel apartáu específicu de la Oficina de Proyectos Europeos, nel siguiente enllace.

La plataforma nun ta planteada como formulariu de solicitú, sinón como un sistema de contribución a les estratexes rexonales. Con una metodoloxía paecía a la que se sigue dende'l Gobiernu d'España, la ferramienta permitirá al Principáu conocer el mapa de posibles inversiones y la modulación de convocatories, como defender les llinies d'inversión consideraes estratéxiques pa la comunidá.