Les Biblioteques de Ḷḷena reciben una subvención pal presente exerciciu del 2025 de 3.000 euros procedente de la Conseyería de Cultura, Política Llingüística y Deporte d'Asturies, destinada a l'adquisición de llibros nuevos pa los tres centros de llectura existentes nel conceyu.

            En concreto, l'ayuda proveniente de la Conseyería permite complementar el presupuestu que'l Conciyu destina anualmente a la Biblioteca Municipal Ramón Menéndez Pidal de La Pola,  al Centru de Llectura "La Casona" de Campumanes y al Centru de Llectura de Viḷḷayana.  

           L'oxetivu ye l'enriquecimientu de los fondos y l'actualización constante, teniendo en cuenta los deseos que les persones usuaries faen nes biblioteques en función de les sos necesidades y preferencies, pa tamién favorecer la llectura dende la infancia, con una ufierta de títulos atractivos en cuantes a temática, llectura fácil y diseñu editorial pa que lo más pequeno se conviertan en persones usuaries habituales de les nuestres biblioteques. Y pa que les persones adultes y la mocedá llean cada vez más.

          Les nueves adquisiciones ficiéronse según criterios de demanda, novedá y calidá, teniendo en cuenta les distintes secciones que s'ofrecen nes tres biblioteques municipales y pa completar colecciones. Tamién se busca l'equilibriu temáticu na oferta de títulos, ofreciendo fondos que procuren tamién un mayor conocimientu de la contorna más cercana en tolos ámbitos.

Nun pue caer embaxo que tolos años, el Conciyu Ḷḷena destina una partida, dientro de los presupuestos anuales, a la Rede municipal de biblioteques, tanto pal personal y caltenimientu de les instalaciones como pa l'adquisición de fondos bibliográficos.

             La compra de los exemplares nuevos faise, de manera prioritaria, nel comerciu local.