Énte la proximidá de la festividá de TOLOS SANTOS, y dada la situación d'alarma sanitaria en que mos atopamos con motivu del COVID-19, faise necesario establecer delles pautes a siguir nes visites que se fagan al cementiriu municipal de La Pola:

• Nun se va celebrar misa de difuntos nel cementiriu.
• Encamiéntase que la llimpieza de nichos y panteones se faga esti añu de forma escalonada, nos díes que siguen a la publicación del presente Bandu y hasta'l día de la festividá de Tolos Santos, a fin d'evitar aglomeraciones que puedan convertise nun focu de contaxu.
• Prohíbese compartir preseos pa la limpieza de lápides, polo que cada visitante deberá dir col so propiu material.
• Encamiéntase acceder directamente al nichu o panteón que se vaya visitar, ensin facer recorríu per tol recintu del cementiriu.
• Ha mantenese en tou momentu la distancia de seguridá, evitando'l contactu personal con familiares o amigos non convivientes, y faciendo usu de xel hidroalcohólico y mázcara. Tamién ta prohibío formar grupos de más de 6 persones.
• Si ye persona de riesgu o pertenez a un grupu vulnerable, evite acudir n'horarios o feches nes que se prevea mayor afluencia.

Recuérdase que l'horariu del cementiriu ye'l que sigue:

• Llunes a vienres: de 10:30 a 13:30 y de 14:30 a 18:30.
• Sábados, domingos y festivos: de 11:00 a 13:00.

Encamiéntase a la responsabilidá nel usu de les instalaciones, de manera que les visites nun s'allarguen más tiempu del imprescindible, en beneficiu de toos y toes y paa nun tener qu'adoptar midíes más drástiques.

L'ALCALDESA

Documentos

BANDU: Festividá de tolos Santos