not: Lena convoca el LXI concurso internacional de 'Cuentos L.lena' dotado con 3.000 euros - ayto-lena
Ḷḷena, convoca'l LXI concursu internacional de 'Cuentos Ḷḷena' dotáu con 3.000 euros
L'área de Cultura del Conciyu de Ḷḷena , que dirixe la conceyala Ana Bayón, convoca la LXI edición del concursu internacional de 'Cuentos Ḷḷena' que ta dotáu con un únicu premiu de 3.000 euros. El plazu pa presentar los trabayos remata'l 31 de xinero del 2024, y la entrega del premiu va facese coincidiendo coles fiestes de La Flor, que se celebren n'abril.
Les persones interesaes en participar nesti concursu han mandar l'orixinal per corréu postal. El llargor del mesmu, tal y como recueyen les bases, va d'un mínimu de cuatro folios (din-A4) per una cara y un máximu d'ocho folios per una cara o cuatro a doble mecanografiaos con un interlliniáu de 1,5 y un tamañu de cuerpu de lletra 12. Han presentar el cuentu y cinco copies escrites en castellanu o n'asturianu y firmaos con nomatu, qu'han acompañar con un sobre zarráu nel que conste'l nome, apellíos, señes y teléfonu de la persona autora (que namás va poder presentar un trabayu).
La convocatoria pasada , que celebró la 60 edición, recibiéronse un total de 433 orixinales. rexistráronse cuentos procedentes de toles provincies d'España, como tamién d'Amsterdam, Bélxica, Alemania, Austria y Francia, amás d'Arxentina, Uruguái, Colombia, Chile, México, Cuba y El Salvador.