L'Equipu de Gobiernu del Conciyu de L.lena quiso que tol procesu d'elección de premiaos nel Antroxu fuera lo más tresparente posible. Debío a que nenguna entidá local quiso facese cargu d'esa parte de la organización, l'alministración optó, como n'años anteriores, por contratar a una empresa externa.

Un malentendío coles bases poles que se manden los premios llevantó una polémica, la empresa externa entendió que los concursantes locales solo podíen acceder a los premios específicos establecíos pa los residentes nel conciyu y non a les categoríes xenerales, daqué que nun contemplen les bases. 

Na mañana d'hoi, el Club Basket Lena acudió al Conciyu pa tener una reunión col Equipu de Gobiernu, onde conocedores del fallu y les sos consecuencias, explicóse lo sucedío. De la mesma manera va comunicase a tolos colectivos del conciyu que se vieran o sintieran perxudicaos, nuna reunión próxima .

Tamién queremos agradecer tol trabayu fechu poles persones y colectivos pa participar nel Antroxu de L.lena. Nosotros, pela nuestra parte, vamos trabayar pa que situaciones como les que se vivieron el pasáu sábado nun se vuelvan a repitir y en vista de la buena participación local, vamos meyorar en favor d'ésta.

Equipu de Gobiernu de L.lena.