El Boletín Oficial del Principáu d'Asturies (BOPA) publica hoi la convocatoria de les subvenciones del Conciyu Ḷḷena  destinaes a afrontar les obligaciones derivaes de la titularidá de la vivienda habitual; asociaciones culturales y de mocedá; deportives y clubes; acción social y mayores y promoción de la muyer. El presupuestu destináu a estes ayudes asciende a casi 43.000 euros.

El plazu pa les persones interesaes nes ayudes p'afrontar les obligaciones de vivienda ye d'un mes, y de diez díes hábiles pal restu de convocatories. Les subvenciones p'Ampas tán pendientes de resolver alegaciones presentae nel periodou d'esposición pública. 

L'ayuda p'afrontar les obligaciones derivaes de la titularidá de la vivienda habitual ta dirixida a persones empadronaes y residentes en Ḷḷena. Destínenese 10.000 euros p'apoyar económicamente a persones con escasu nivel de renta, pa collaborar nos gastos de mantenimientu de la vivienda habitual, cuando'l destinu sea esclusivamente d'usu residencial y siempre que se cumplan los requisitos establecíos.

Pa les entidaes y clubes deportivos contémplase un total de 21.000 euros y p'asociaciones culturales y de mocedá 6.200 euros. Nel casu de mayores y acción social cuenta con una partida de 3.250 euros y pa promoción de la muyer 2.250 euros.

Bases y solicitúes