BANDO adopción de medidas preventivas COVID-19 - ayto-lena
BANDU adopción de midíes preventives COVID-19
La stuación actual d'emerxencia de salú pública fai qu'esti Conciyu considere la necesidá de tomar midíes de prevención col fin d'evitar la tresmisión del COVID-19 nel so ámbitu competencial. Nesti sentíu, dende'l día 12 hasta'l día 26 de marzo, queden pesllaos los servicios y suspendíes les actividaes que se desenvuelven nes instalaciones municipales siguientes:
- Biblioteques
- Cases de Cultura
- C'Alcuentros
- Teatru
- Centros Sociales, de Mayores y de Vecinos
- Instalaciones deportives y Piscina Municipal
- Hotel d'Asociaciones
- Albergues de Pelegrinos
Na propia Casa Conciyu como tamién nel restu de servicios d'atención al públicu o dependencies municipales, recomiéndase l'atención telefónica. Pal casu d'atención presencial aconséyase que solo se produza cuando la causa sea imprescindible.
Nel mesmu sen, suspéndese'l mercáu selmanal y nun s'autorizará nengún eventu que conlleve la concentración d'un númberu importante d'asistentes.
Convien recordar que les midíes básiques de prevención pal COVID-19 son: el llaváu frecuente de les manos con agua y xabón, l'usu de pañuelos desechables, utilizar el brazu o'l güecu del codu en casos d'estornudu y/o tos y evitar tocase güeyos, nariz y boca.
Tamién s'aconseyen delles midíes de distanciamientu na comunidá: fomentar el cuidáu domiciliariu de los mayores, evitar que les persones con síntomes respiratorios leves vayan a los centros sanitarios y que los mayores con enfermedaes cróniques, o con importantes factores de riesgu, vayan a centros concurríos, como tamién los viaxes innecesarios.