Los nenos y nenes diseñaron 10 pruebes cencielles y divertíes nes que pueden participar toles persones que tean en casa.

Los Grupos de participación de L.lena proponen a tola ciudadanía del conciyu otra actividá pa facer nesti periodu de confinamientu nes nestres cases. Nesta ocasión ye una actividá dirixida a persones de toles edaes, que pue ser perfecta p'amenizar la sobremesa d'una Fiesta de la Flor 2020 tan peculiar como la que vamos pasar el próximu llunes 20 d'abril de 2020.

La Flor quizá sea la fiesta "de prau" más popular del conciyu de L.lena. Pa que pierda lo menos posible el tonu lúdicu y familiar, a pesar de les circunstancies actuales, los nenos y nenes del Grupu de Participación de L.lena, diseñaron 10 pruebes cencielles y divertíes que precisen materiales mui básicos.

Recordái que los Grupos de Participación siguen trabayando hasta que la situación se normalice dafechu, de forma telemática. Por ello caltiense una reunión selmanal  los martes a les 18 hores pal grupu de mayores, y a les 19 hores pal grupu de "peques". Esta reunión faise pela plataforma gratuita "ZOOM" na modalidá de videoconferencia, y dende equí invitamos a tolos nenos, nenes y adolescentes de L.lena que quieran participar a unise a estes videoconferencies. Pa poder asistir, han mandar un corréo electrónicu a edusolena@aytolena.es, facilitando un númberu de teléfonu móvil al que vamos mandar l'identificador de la reunión pa que puedan participar.

Documentos

Gincana "LA FLOR EN CASA 2020"