Mensajes de ánimo a la población de Lena creados por los GRUPOS DE PARTICIPACIÓN DE LENA. - ayto-lena
Mensaxes d'ánimu a la población de L.lena creaos polos GRUPOS DE PARTICIPACIÓN DE L.LENA.
LOS GRUPOS DE PARTICIPACIÓN DE L.LENA SIGUEN COL TRABAYU MIENTRES LES MIDÍES DEL COVID 19.
Los Grupos de Participación de L.lena adaptaron la so metodoloxía de trabayu a les circunstancies derivaes de l'aplicación de les midíes de protección que s'instauradron pa prevenir la tresmisión del COVID 19.
Hasta que la situación se normalice dafechu, caltiénse una reunión selmanal que se fai los martes a les 18 hores pal grupu de mayores, y a les 19 hores pal grupu de "peques". Esta reunión faise cola plataforma "ZOOM" na modalidá de videoconferencia, y dende equí invitamos a tolos nenos, nenes y adolescentes de L.lena que quieran participar a unise a estes videoconferencies. Pa poder asistir, han mandar un corréu electrónicu a edusolena@aytolena.es, facilitando un númberu de teléfonu móvil al que vamos mandar l'identificador de la reunión pa que puedan participar.
Caún de los grupos fizo un mensaxe d'ánimu pa la población de L.lena, que se pue escuchar peles calles gracies a la collaboración de l'Agrupación de Protección Civil de L.lena. La idea naz pa que la voz de los nenos, nenes y adolescentes de L.lena pueda sentise en tolos requexos a pesar de les midíes de confinamientu actuales.
A lo llargo de les próximes selmanes seguro que mos van dir faciendo llegar "creaciones" nueves.......