Nel últimu Plenu del Conseyu d'Infancia y Adolescencia de L.lena celebráu'l 23 de xineru del 2018, el Conciyu de L.lena encargó a los grupos de participación infantil y adolescente que propusieran sitios onde asitiar delles de les papeleres que s'adquirieron pa les calles de La Pola. La colocación de más papeleres foi una de les propuestes que trasladaron al Conciyu n'esa sesión.

Tres investigar sobre'l terrenu y valorar ónde podrían ser más necesaries, propusieron los sitios pa la colocación. Son principalmente los entornos de los Centros Escolares, les zones de paséu y delles zones del cascu urbanu nes que detectaron más necesidá.

El martes 15 de mayo, fízose na entrada de la  Casa Conciyu l'actu de colocación d'una de les plaques qu'identificarán eses papeleres, al tiempu que se presentó'l logu que los integrantes de los Grupos de Participación diseñaron pal Plan d'Infancia y Adolescencia de L.lena.

Los Grupos de Participación Infantil y Adolescente son el mecanismu que'l Plan d'Infancia y Adolescencia ofrez a nenes, nenos y adolescentes pa exercer el derechu a la participación na vida del conciyu, y especialmente en toes aquelles cuestiones que-yos afecten más directamente.