Actos día universal de los derechos de la infancia 2018 - ayto-lena
Estas en:
Actos día universal de los derechos de la infancia
Organizaes pol Grupu de Participación Adolescente de L.lena, el próximu martes 20 de noviembre, na Casa de la Cultura de La Pola celébrense actividaes dirixíes a toles edaes, pa conmemorar el Día Universal de los Derechos de la Infancia.
Pa conmemorar el Día Universal de los Derechos de la Infancia, el Grupu de Participación Adolescente de L.lena organizó delles actividaes a lo llargo de la tarde del próximu martes 20 de noviembre.
Los actos van facese na Casa de la Cultura de La Pola, col programa siguiente:
- A partir de les 16:30, nel salón d'actos podrá vese una exposición fotográfica sobre los derechos de la infancia. Les semeyes ficiéronles los y les integrantes del Grupu de Participación. Podrá vese a lo llargo de tola selmana.
- A les 17:00, tamién nel salón d'actos va desenvolvese un cuentacuentos dirixíu a neños de 3 a 8 años y acompañantes.
- A les 18:00, los neños y neñes de 9 a 12 años tendrán una sesión de xuegos de Play. Ye importante que cada persona lleve'l so mandu de la Play 4.
- A les 18:00, les moces y mozos de 13 años p'alantre, podrán ver una película de terror seleccionada por integrantes del grupu de participación.
Toles actividaes son d'entrada llibre hasta completar l'aforu.