Ayudes pa garantizar el caltenimientu de l'actividá y l'empléu destinaes a trabayadores por cuenta propia o autónomos y a empleadores del sector turísticu, hosteleru y de restauración nos que les actividaes se vieran especialmente afectaas pola pandemia provocada pola COVID-19. Extractu de la Resolución de 29 d'octubre del 2021 de la Conseyería de Cultura, Política Llingüística y Turismu.

Podrán solicitar les ayudes les persones incluíes en dalgún de los siguientes colectivos:

a) Trabayadores por cuenta propia o autónomos que figuren d'alta nel Réxime Especial de Trabayadores Autónomos (RETA), siempre y cuando desenvuelvan l'actividá en dalgún de los códigos que se recueyen nel anexu d'esti esxtractu, n'atención a la Clasificación Nacional d'Actividaes Económiques aprobada pol Real Decretu 475/2007, de 13 d'abril a la fecha de publicación del extractu de la convocatoria. Los trabayadores por cuenta propia o autónomos tendrán derechu a l'ayuda con independencia de la pertenencia a una comunidá de bienes, a una sociedá civil o del so calter de sociu d'una pyme.

b) Trabayadores por cuenta propia o autónomos, comunidaes de bienes, sociedaes civiles y pymes con trabayadores contrataos al so cargu por cuenta ayena y a xornada completa, siempre y cuando desenvulevan la so actividá en dalgún de los códigos que se recueyen nel anexu del presente extractu, n'atención a la Clasificación Nacional d'Actividaes Económiques aprobada pol Real Decretu 475/2007, de 13 d'abril a la fecha de publicación del extractu de la convocatoria.

Plazu de presentación de solicitúes hasta'l 10 de noviembre del 2021.

Consultar l'Extractu de la Resolución nesti enllace.

Ayudes pa garantizar el caltenimientu de l'actividá y l'empléu destinaes a trabayadores por cuenta propia o autónomos y a empleadores del sector deportivu con actividades que se vieran especialmente afectaes pola pandemia provocada pola COVID-19. Extractu de la Resolución de 29 d'octubre del 2021, de la Conseyería de Cultura, Política Llingüística y Turismu.

Podrán solicitar les ayudes les persones incluíes en dalgún de los colectivos siguientes :

a) Trabayadores por cuenta propia o autónomos que figuren d'alta nel Réxime Especial de Trabayadores Autónomos (RETA). Tendrán derechu a l'ayuda con independencia de la pertenencia a una comunidá de bienes, a una sociedá civil o del so calter de socia d'una pyme.

b) Trabayadores por cuenta propia o autónomes, comunidaes de bienes, sociedaes civiles y pymes con trabayadores contrataes al so cargu por cuenta ayena y a xornada completa. En dambos dos casos siempre y cuando desenvuelvan l'actividá en dalgún de los códigos que se recueyen na Clasificación Nacional d'Actividaes Económiques aprobada pol Real Decretu 475/2007, de 13 d'abril a la fecha de publicación del extractu de la convocatoria: 8551 Educación deportiva y recreativa. 9311 Xestión d'instalaciones deportives. 9312 Actividaes de los clubes deportivos. 9313 Actividaes de los ximnasios. 9319 Otres actividaes deportives. 9604 Actividaes de mantenimientu físicu.

Plazu de presentación de solicitúes hasta'l 10 de noviembre del 2021.

Consultar l'Extractu de la Resolución nesti enllace.

Ayudes pa garantizar el caltenimientu de l'actividá y l'empléu destinaes a trabayadores por cuenta propia o autónomos y a empleadores del sector comercial y servicios asimilaos con actividaes que se vieran especialmente afectaes pol andanciu provocaáu pola COVID-19. Extractu de la Resolución de 29 d'octubre del 2021, de la Conseyería d'Industria, Empléu y Promoción Económica.

Podrán solicitar les ayudes les persones incluíes en dalgún de los siguientes colectivos:

a) Trabayadores por cuenta propia o autónomos que figuren d'alta nel Réxime Especial de Trabayadores Autónomos (RETA), siempre y cuando desenvuelva l'actividá en dalgún de los códigos que se recueyen nel anexu de la presente Resolución, n'atención a la Clasificación Nacional d'Actividaes Económiques aprobada pol Real Decretu 475/2007, de 13 d'abril a la fecha de publicación del extractu de la convocatoria. Los trabayadores por cuenta propia o autónomes tendrán derechu a l'ayuda con independencia de la so pertenencia a una comunidá de bienes, a una sociedá civil o del so calter de socia d'una pyme.

b) Trabayadores por cuenta propia o autónomes, comunidaes de bienes, sociedaes civiles y pymes con trabayadores contrataes al so cargu por cuenta ayena y a xornada completa, siempre y cuando desenvuelvan l'actividá en dalgún de los códigos que se recueyen nel anexu de la presente Resolución, n'atención a la Clasificación Nacional d'Actividaes Económiques aprobada pol Real Decretu 475/2007, de 13 d'abril, a la fecha de publicación del extractu de la convocatoria.

Plazu de presentación de solicitúes hasta'l 11 de noviembe del 2021.

Consultar l'Extractu de la Resolución nesti enllace.

La cuantía a percibir poles persones beneficiaries, común a los tres tipos d'ayudes, sedrá la siguiente:

a) Trabayadores por cuenta propia o autónomes que figuren d'alta nel Réxime Especial de Trabayadores Autónomos (RETA): 2.000 euros.

b) Empleadores con trabayadores por cuenta ayena contrataos al so cargu a xornada completa. L'importe de la cuantía obtendráse en función del númberu de trabayadores por cuenta ayena contrataes a razón de: — 1.000 euros por caúna de les 5 primeres. — 500 euros por caúna a partir de la sexta.

L'importe máximu de l'ayuda por empleador/a nun podrá ser superior a 35.000 euros.