Dende la Conceyalía de Bienestar Social, Vivienda y Muyer del Conceyu de L.lena vienen desenvolviéndose polítiques actives que'l so oxetivu ye llograr la eliminación de les barreres que torguen que la igualdá ente homes y muyeres sía xuna realidá na nuesa sociedá.

            Dicha igualdá hai de traducise en toes y cada una de les facetes de la vida y xuna d'elles ye, ensin dulda, la manifestación y creación artística y cultural.

            Con cuenta de materializar dichu oxetivu y en collaboración cola Conceyalía de Cultura, Mocedá y Política Lingüistica va convocase p'anguaño 2019 II Certame de Pintura, dirixíu a promover la igualdá d'oportunidaes ente muyeres y homes.

PRIMER.- OXETU.

            L'oxetu de les presentes Bases ye regular l'I Certame de Pintura,¿ ¿¿ENA PINTA POLA IGUALDÁ¿.

            La obra ganadora del Primer Premiu va sirvir d'imaxe al cartelu conmemorativo del añu 2019 por cuenta de la celebración del 8 de Marzu, Día Internacional de la Muyer.

            SEGUNDA.- PARTICIPANTES Y TEMA.

            Van Poder participar nel Certame toles muyeres y homes mayores d'edá y empadronaes/os o que nacieran en L.lena.

            La Tema del concursu va ser ¿Muyer y Igualdá¿.

TERCERA.- CARACTERÍSTIQUES DE LES OBRES.

            Les obres presentaes van ser orixinales ya inédites, con una dimensión máxima de 50x70 cm.

            Tanto la técnica como'l soporte físicu utilizaos van ser llibres.

            Namá se va almitir xuna obra per persona participante.

            Nun se van almitir obres que fueren premiaos n'otros certames o concursos.

            Les persones autores de les obres participantes van responder d'aquellos conflictos que pudieren surdir por plaxu, quedando'l Conceyu exentu de toa responsabilidá.

CUARTA.- PRESENTACIÓN.

            Toles obres tendrán de presentase debidamente terminaes y embalaes y nun van llevar identificación esterna dalguna del so autor/a .

            Nel revés de les obres tendrá de figurar el títulu de les mesmes.

            Les obres tendrán de dir acompañaes d'un sobre zarráu y nel interior van faese constar los siguientes datos:

Títulu de la Obra

Nome y apellíos del autor/a.

Casa.

Teléfonu.

Corréu electrónicu.

QUINTA.- LLUGAR Y PLAZU DE PRESENTACIÓN.

            Les obres y documentación van poder presentase en mano o per corréu nes siguientes direcciones colos sos respectivos horarios:

Casa d'Alcuentru de la Muyer de L.lena

Parque de la Eria S/N

33630- La Pola, L.lena

Telf.985491223

Horariu: De Llunes a Xueves, de 11:00 a 13:30

Casa Municipal de Cultura Pza.

Alfonso X, El Sabiu 33630

La Pola, L.lena

Telf.985491157

Horariu: De Llunes a Vienres, de 9:00 a 14:00 y de 16:00 a 20:00

            El Plazu d'almisión d'obres remata'l vienres 15 de febreru de 2019.

SESTA. -XURÁU.

            El fallu del xuráu va ser inapellable y l'entrega del premiu a la obra ganadora, va facese'l 8 de Marzu de 2019 nel Teatru Vital Aza dientro del programa d'actos de la Conmemoración del Día Internacional de la Muyer.

SÉPTIMA.- PREMIU.

            Va otorgase un únicu Primer Premiu, pudiendo ésti ser declaráu desiertu pol Xuráu.

            El premiu va consistir nun diploma y xuna dotación económica de 300¿.

            L'abonu sométese a les retenciones legalmente establecíes.

OCTAVA.-PROPIEDÁ DE LA OBRA.

            La obra premiada, va pasar a ser propiedá del Conciyu de L.lena, que se reserva'l derechu a la so impresión o espardimientu ensin ánimu d'arriquecimientu.

            El Conciyu de L.lena va poder entamar una esposición de toles obres participantes nel presente concursu, devolviendoles a les sos autores a la n'acabando la mesma.

NOVENA.-ACEPTACIÓN DE LES BASES.

            La participación nesti concursu implica la total aceptación d'estes bases. Cualesquier imprevistu que non esti recoyíu na presente convocatoria va ser interpretáu y resueltu pol xuráu.